Justizia eta Giza Eskubideen Sailaren egitura organikoa eta funtzionala ezartzen duen azaroaren 5eko 326/2024 Dekretuak 8.1.b) eta c) artikuluaren letretan ezartzen duenez, Zerbitzu Zuzendaritzari dagokio sailaren kudeaketa ekonomikoa eta aurrekontua exekutatzeko faseak izapidetzea, eta sailaren 1.000.000 eurotik beherako gastuak baimentzea.

Era berean, aipatutako dekretuak ezartzen du eginkizun hauek dituela Zerbitzu Zuzendaritzak: prestakuntza- eta hobekuntza-planak egitea langileentzat, Justizia Administrazioko eta espetxeetako langileentzat izan ezik, Euskal Enplegu Publikoari buruzko abenduaren 1eko 11/2022 Legearen 19. artikuluak eta indarrean dagoen gainerako araudiak sailari esleitzen dizkion eskumenak baliatuz, eta alde batera utzi gabe Funtzio Publikoko Zuzendaritzari eta Administrazio Publikoaren Euskal Institutuari dagozkien eskumenak; eta langile-premiei buruz sailak egindako aurreikuspenak ebaluatzea, eta saileko plantilla eta lanpostu-zerrendak prestatzeko proposamenak egitea, Justizia Administrazioko langileei eta espetxeetako langileei dagozkienak izan ezik (8.1.e) eta f) artikuluak).

Bestalde, Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen Lehendakariaren ekainaren 23ko 18/2024 Dekretuaren 20.1.d) artikuluarekin bat etorriz, Justizia eta Giza Eskubideen Sailaren eskumena da adingabe arau-hausleen arloko eskumenak baliatzea, betiere adingabearen babesean eskumena duten gainerako organo eta administrazioekin lankidetzan. Ildo horretatik, Justizia Zuzendaritzari dagokio gazte-justiziaren arloko jarduerak diseinatzea, planifikatzea, antolatzea eta ebaluatzea, Jaurlaritzako sailen lana koordinatuz; hori guztia Justizia eta Giza Eskubideen Sailaren egitura organikoa eta funtzionala ezartzen duen azaroaren 5eko 326/2024 Dekretuaren 12.f) artikuluaren arabera.

Zumarragako Ibaiondo Ikastetxea askatasunaz gabetzeko neurriak betearazteko hezkuntza-zentro bat da, eta Euskal Autonomia Erkidegoan askatasunaz gabetzeko neurriak betearazteko hezkuntza-zentroei buruzko apirilaren 21eko 80/2009 Dekretuan araututakoen artean dago.

Aipatutako arauaren 28. artikuluaren arabera, honako hauek dira, besteak beste, Zuzendaritzaren eginkizunak: Gazte Justiziako Zerbitzuak ezarritako jarraibideak zuzentzea, koordinatzea, kontrolatzea eta ikuskatzea; zentroaren barne-funtzionamenduari eta -antolamenduari buruzko zerbitzu-aginduak ematea, Gazte Justiziako Zerbitzuari dagozkion ahalmenak alde batera utzi gabe; zentroaren baliabide ekonomikoak administratzea eta kudeatzea, indarrean dagoen legeriarekin eta Gazte Justiziako Zerbitzuaren jarraibideekin bat etorriz, eta zentroaren premia ekonomikoak eta bestelakoak aztertzea, behar bezala funtzionatu dezan.

Zentroaren arduradunak hartuko du bere gain Zentroaren Zuzendaritza (lanpostua: Gizarte Gaietako arduraduna; kodea: 510261/3), hala ezarrita baitago Euskal Autonomia Erkidegoan askatasunaz gabetzeko neurriak betearazteko hezkuntza-zentroei buruzko apirilaren 21eko 80/2009 Dekretuaren 28. artikuluan.

Kontuan hartuta Zerbitzu Zuzendaritzak duen lan-karga, une honetan komenigarritzat jotzen da ebazpen honen xedapen-zatian zerrendatzen diren eskumenen erabilera eskuordetzea.

Lehenago adierazitakoaren arabera, eta Sektore Publikoaren Araubide Juridikoaren urriaren 20ko 40/2015 Legearen 9. artikuluan eta Euskal Sektore Publikoaren maiatzaren 12ko 3/2022 Legearen 25. artikuluan ezarritakoarekin bat etorriz, honako hau