Emakunde-Emakumearen Euskal Erakundearen 2022ko abenduaren 14ko Ebazpenaren bidez, guztira 69.999,00 eurorainoko dirulaguntzak dituzten hiru beka emateko deialdia egin da, 2023. urtean emakumeen eta gizonen berdintasuna bultzatuko duten ikerlanak egiteko helburuarekin.

2022ko abenduaren 14ko Ebazpenak 8. artikuluaren 1. apartatuan ezartzen du deialdian aurkezten diren eskabideak aztertu eta ebaluatuko dituen hautaketa-batzordearen osaera. Testu horren 9. artikuluaren arabera, batzordeak baloratuko du taldeko eskatzaileek zein ezagutza, prestakuntza eta esperientzia dituzten eskatu den emakumeen eta gizonen berdintasunerako bekaren xedeari lotutako ikerlanak gauzatzen, baina baita honako hauek ere: zehazteko eta adierazteko gaitasuna, bekaren xede den zereginean jarduteko aukerak eta ikerlan-proposamenaren interesa eta ikuspegia. Halaber, adjudikazio-proposamen arrazoitua aurkeztuko dio Emakunde-Emakumearen Euskal Erakundeko zuzendariari, laguntzak emateko ebazpena hartzeko.

Hala ere, gerora sortutako eta aipagai den deialdiarekin zerikusirik ez duten inguruabarrengatik, arestian aipatu 2022ko abenduaren 14ko Ebazpenean ezarri zen hautaketa-batzordearen osaera aldatu da. Azaroaren 11ko 1/1997 Legegintzako Dekretuak onartutako Euskadiko Ogasun Nagusiaren Antolarauei buruzko Legearen testu bateginaren 49.2 artikuluan ezartzen denez, Euskal Herriko Agintaritzaren Aldizkarian argitaratuko da laguntzak emateko proposamena egin behar duten organoen osaera, baita interesdunentzat garrantzia izango duten ekintzak ere, modu orokorrean eragiten baldin badiete.

Adierazitakoagatik, oro har aplikatzekoak diren gainerako xedapen orokorren arabera, honako hau