1. Ebazpen honen xedea Euskadiko Gazteak Lankidetzan programa arautzea eta 2023ko ekitaldirako deialdia egitea da. Programa horren bidez, erraztasunak emango dira 1993tik 2001era bitartean (biak barne) jaiotako 100 pertsona askoz jota herrialde eta lankidetza-proiektu jakin batzuetara lekualdatzeko. Herrialde eta proiektu horiek Lehendakaritzako idazkari nagusiaren 2023ko martxoaren 16ko Ebazpenean xedatutakoaren arabera hautatuko dira. Ebazpen honen bidez, garapenerako lankidetzako erakundeei dei egiten zaie Euskal Autonomia Erkidegoko Administrazio Orokorraren 2023ko Euskadiko Gazteak Lankidetzan programarako proiektuak aurkez ditzaten.

2. Programa honen kudeatzailea Gazteria Zuzendaritza da, eta bera arduratzen da onuradunarentzako laguntzaren txartelen eta gainerako prestazioen kontratazioa izapidetzeaz.

Deialdi honetara 250.000 euro bideratuko dira. Programak, oro har, 13. artikuluan zehaztutako gastuak ordainduko ditu.

1. Oinarri hauek Euskal Herriko Agintaritzaren Aldizkarian argitaratu aurretik Euskal Autonomia Erkidegoko udalerriren batean erroldatuta egotea edo euskal herritar izaera politikoa izatea Autonomia Estatutuaren 7. artikuluan ezarritakoaren arabera.

2. 1993 eta 2001 artean jaio izana, biak barne.

3. Jarduera garatzen den herrialdeko nazioarteko hizkuntza jakitea.

4. Bidaiatzen den herrialdeko txertaketa-txartela egunean izatea.

5. Adingabeekin harremana izan behar den jardueren proiektuen kasuan, sexu-delituengatik kondenatua ez izatea. Sexu Delitugileen Erregistro Zentralaren ziurtagiri negatiboaren bidez egiaztatu behar da hori, edo, atzerritarren kasuan, jatorrizko herrialdeak emandako antzeko dokumentuaren bidez. Halako dokumenturik ez badago, aurrekari penalen ziurtagiri bat aurkeztu behar da, sexudelitu bat bera ere aipatzen ez duena.

6. Sexuaren arabera bereizkeria eragiten duen jarduerarik ez egitea, eta zigor administratibo edo penalik ez jasotzea sexuaren arabera bereizkeriaz jarduteagatik edo emakumeen eta gizonen berdintasunaren arloko araudia ez betetzeagatik zehapenak ezartzen duen aldian.

7. Halaber, Dirulaguntzei buruzko azaroaren 17ko 38/2003 Lege Orokorraren 13. artikuluan oro har jasotzen diren baldintzak bete beharko dituzte; besteak beste, zerga-betebeharrak eta Gizarte Segurantzako betebeharrak betetzea eta dirulaguntzak itzultzeko betebeharrak beteta izatea.

8. Osasun-egoeraren arabera, Gazteria Zuzendaritzak COVID-19ari edo beste edozein gaixotasuni buruzko proba diagnostikoren bat egiteko eskatu ahal izango du, programako ekintzaren batean parte hartu aurretik. Probak hautaketa-prozesuan eta behin pertsona aukeratu ondoren eska daitezke. Proba diagnostikoak egiteari uko egiteak parte-hartzaileak prozesuari edo eman zaion plazari uko egitea dakar berekin.

Eskabideak aurkezteko epea ebazpen hau Euskal Herriko Agintaritzaren Aldizkarian argitaratu eta biharamunean hasiko da eta 2023ko apirilaren 21ean bukatuko.

1. Eskabideak bitarteko elektronikoen bidez egingo dira, Euskal Autonomia Erkidegoko Administrazio Publikoaren egoitza elektronikoan eskuragarri dagoen eskabide-inprimakia betez, helbide honetan: https://www.euskadi.eus/zerbitzuak/0127907 Betekizunak eranskinean ezarritako moduan egiaztatu behar dira.

   Eskabidearen ondorengo izapideak jakinarazpenak eta justifikazioak barne Euskal Autonomia Erkidegoko Administrazio Publikoaren egoitza elektronikoaren Nire Karpetaren bidez egingo dira (https://www.euskadi.eus/nirekarpeta), elektronikoki.

   Euskal Autonomia Erkidegoko Administrazio Publikoaren egoitza elektronikoan identifikaziorako eta sinadura elektronikorako onartutako bitartekoak helbide honetan daude eskuragarri: https://www.euskadi.eus/ziurtagiri-elektronikoak

   Elektronikoki izapidetu ahal izango da ordezkari baten bitartez. Horretarako, ordezkaritza Euskal Autonomia Erkidegoko Administrazio Publikoaren ahalordeen erregistro elektronikoan inskribatu ahal izango da, helbide honetan: https://www.euskadi.eus/representantes

2. Lehen hautaketan hartutako pertsonek agiri bidez egiaztatu behar dituzte izena emateko eskabidean adierazitako merezimenduak (ikasketak, ikastaroak, esperientzia, eta abar), hautaketa-faseko topaketa hasi aurretik.

3. Zerga-organo eskudunek edo Gizarte Segurantzaren Diruzaintza Nagusiak emandako ziurtagiri positiboa aurkeztu beharko dute onuradunek, bai eta dirulaguntzak itzultzeko betebeharrak betetzeari buruzko erantzukizunpeko adierazpena ere.

Eskabidea izapidetzeko eskatzen diren agiriak falta badira, edo horietan forma akatsak daudela ikusiz gero, edo baloratzeko alegatutako dokumentazioan akatsak atzemanez gero, interesdunari hamar egun balioduneko epea emango zaio akatsa zuzentzeko edo aurkeztu ez dituen nahitaezko agiriak aurkezteko. Halaber, jakinaraziko zaio hala egin ezean eskaeran atzera egin duela iritziko zaiola, aldez aurretik ebazpena emanda.

1. Hautaketa-batzorde bat sortuko da parte-hartzaileen lehen hautaketa egiteko eta parte-hartzaileak hautatzeko proposamena egiteko. Honako hauek osatuko dute batzorde hori:

   Josu Gerediaga Egurrola, Gazteriako arduraduna. Batzordeburu izango da, eta kalitatezko botoarekin ebatziko ditu berdinketak.

   Miren Saiz Alzugaray, Garapenerako Lankidetzaren Euskal Agentziako teknikaria.

   Ricardo Fernández Quintana, Euskadiko GGKEen Koordinakundeak proposatua.

   Julen Sasiain Abin, Euskadiko Gazteriaren Kontseiluak proposatua.

   Tomás Aranberri Epelde, Iban Askasibar Aguirre, Ainhoa Gómez García, Amaia Iguaran Bonilla, Aurelien Christian Manga, Maria José Martínez Remirez, Leyre Sainz Piñero, Claudia Sánchez Zavalaga eta Elisabeth Zubizarreta Arruabarrena, garapenerako lankidetza-programak egiten ari diren gobernuz kanpoko erakundeek proposatuak.

   Beñat Martínez Castillo, Gazteriako teknikaria. Idazkari lanak egingo ditu, eta hitza izango du, baina botorik ez.

2. Batzordeko kideak abstenitu egin behar dira, Sektore Publikoaren Araubide Juridikoaren urriaren 1eko 40/2015 Legearen 23. artikuluan aurreikusitako egoeraren batean gertatuz gero, eta errekusazioa aurkeztu ahal izango da haien kontra, 24. artikuluak agintzen duen eran.

   1. apartatuaren arabera izendatu diren eta Euskadiko GGKEen Koordinakundeak, Euskadiko Gazteriaren Kontseiluak eta garapenerako lankidetza programak egiten ari diren garapenerako gobernuz kanpoko erakundeek proposatu dituzten Hautaketa Batzordeko kideek ordainsaria jasoko dute Hautaketa Batzordearen bileretara joateagatik.

1. Hautaketa-prozesuak, lehiaketakoa bera, hiru fase ditu: hautaketa aurreko fasea, hautaketa-fasea eta informazio- eta orientazio-fasea.

   Hautaketa aurreko fasean, Hautaketa Batzordeak 220 pertsona proposatuko ditu gehienez, Lehendakaritzako idazkari nagusiaren 2023ko martxoaren 16ko Ebazpenean xedatutakoaren arabera aurrez hautatutako proiektuetara ondoen egokitzen den profila dutenak (ebazpen horren bidez, 2023an EAEko Administrazio Orokorraren Euskadiko Gazteak Lankidetzan programarako proiektuak aurkezteko deialdia egiten zaie garapenerako lankidetzako erakundeei). Orduan hautatutako pertsonek bigarren fasean parte hartuko dute.

   Hautaketa Batzordeak, gehienez, 50 ordezko proposatuko ditu bigarren fasean parte hartzeko, lehen hautaketa hartutako pertsonek uko egiten badiote ere. Uko eginez gero, uko egin duen pertsonaren profil bera duen puntuazio handieneko ordezkoa aukeratuko da, eta bigarren fasean parte hartuko du.

   Hautaketa Batzordeak honako ezaugarri hauek baloratuko ditu (gehieneko puntuazioa, 100 puntu):

   1. Eskatzaile bakoitzaren titulazio akademikoa, lanbide-kualifikazioa eta aurrez hautatutako lankidetza-proiektuetara gehien egokitzen diren beste ikasketa batzuk (gehienez ere, 30 puntu).

      Honako hauek daude lankideak txertatuko diren garapen-proiektuetarako lanbide-arlo ohikoenen artean (ez dira baztertzaileak):

      Hezkuntza / Hezkuntza berezia / Pedagogia.

      Gizarte-lana/Gizarte-hezkuntza.

      Psikologia.

      Berdintasuna.

      Begiralea Aisialdia.

      Informatika.

      Ekonomia/Kontabilitatea.

      Medikuntza/Erizaintza / Osasun-zaintza osagarriak.

      Farmazia.

      Ingeniaritza/Arkitektura.

      Nekazaritza/Agronomia.

      Tornua/Mekanika.

      Elektrizitatea/Arotzeria/Iturgintza.

      Nutrizioa/Sukaldaritza.

   2. Garapenerako lankidetzarekin lotutako prestakuntza (gehienez ere, 20 puntu).

   3. Garapenerako gobernuz kanpoko erakundeetan boluntariotzan izandako esperientzia (gehienez ere, 20 puntu).

   4. Gazte-elkarteetan edo helburu sozialeko beste elkarte batzuetan boluntariotzan izandako esperientzia (gehienez ere, 30 puntu).

      Egoki iritziz gero, Hautaketa Batzordeak hautagaiak elkarrizketatuko ditu, aurreko atalei buruz, haiek aurkeztutako dokumentazioaren arabera.

2. Bigarren fasea, edo hautaketa-fasea, lehen hautaketan hartutako pertsonekin biltzea da. Topaketa, betiere osasun-baldintzek ahalbidetzen dutenean edo haien arabera komeni denean, hiru egunez egingo da, barnetegi-erregimenean, Gazteria Zuzendaritzak ezartzen duen eran, eta nahitaezkoa izango da lehen hautaketan hartutako pertsonentzat. Topaketan, Hautaketa Batzordeak gehienez ere 100 pertsona hautatuko ditu hirugarren fasean parte hartzeko, puntuazioaren arabera.

   Gehienez 50 ordezko hautatuko dira, norbaitek uko egiten badio ere. Uko eginez gero, uko egin dionaren profil bera duen eta puntuazio handiena duen ordezkoak hartuko du titulartasuna. Hirugarren hautaketa-fasea amaitu ondoren uko eginez gero, ordezkoak fase horretan ez du parte hartu beharrik izango.

   Fase honetan, ezaugarri hauek baloratuko dira:

   1. Lehen hautaketan hartutako pertsonaren egokitasuna; kontuan hartuko dira egindako dinamiken emaitza eta topaketa horretan egindako elkarrizketa (gehienez ere, ehuneko 50 balio du). Gaitasun hauek ebaluatuko dira:

      Autokudeaketa-gaitasunak (gehienez ere, ehuneko 20 balio du): ekimena eta autonomia; malgutasuna; arazoak aztertu eta konpontzea; ikasteko eta negoziatzeko gaitasuna. Gaitasun mota horiei esker, pertsonak lan eraginkorra, antolatua eta ona egin dezake dabilen ingurunean.

      Komunikaziorako eta harreman pertsonaletarako gaitasunak (gehienez ere, ehuneko 20 balio du): pertsonen arteko komunikazioa; talde-lana; harremanetan kontua izatea, eta zuhurtzia. Boluntarioari aukera ematen diote harreman pertsonal eta profesional egokiak izateko bere eginkizunetan, eta, era berean, aukera ematen diote egoera konplexuak edo zailak kudeatzeko besteekiko harremanetan.

      Antolaketa-gaitasunak (gehienez ere, ehuneko 10 balio du): fidagarritasun teknikoa eta pertsonala; ekimenak gidatzeko gaitasuna; antolaketa eta plangintza. Beste batzuei eragiten zaien ingurune konplexuago eta zabalago batean norberaren lana eraginkorra izatearekin eta lana kudeatzearekin lotuta dauden gaitasunak dira.

   2. Lehen hautaketan hartutako pertsonaren profila Lehendakaritzaren idazkari nagusiaren 2023ko martxoaren 16ko Ebazpenaren babesean hautatutako lankidetza-proiektuen ezaugarrietara egokitzea, ekintza horietan integratzeko denbora barne (gehienez ere, ehuneko 50 balio du).

3. Hirugarren fase, edo informazio- eta orientazio-fasea, hautatutako pertsonekin biltzea da. Topaketa, betiere osasun-baldintzek ahalbidetzen dutenean edo haien arabera komeni denean, bi egunez egingo da, barnetegi-erregimenean, Gazteria Zuzendaritzak ezartzen duen eran, eta nahitaezkoa da hautatutako pertsonentzat. Jardunaldi horietan, programako GGKEek parte hartuko dute, eta hautatutako pertsonei informazioa eta orientabideak emango zaizkie lankide boluntario gisa jardungo duten garapenerako lankidetza-proiektuei buruz.

   8.2 eta 8.3 artikuluetan aurreikusitako hautaketa-fasean pertsona kopuru jakin bat ezin bada bildu indarrean dauden osasun-neurriak edo -gomendioak direla eta, Gazteria Zuzendaritzak aldaketak egin ahal izango ditu hautaketa-prozesuan, indarrean dauden osasun-neurrietara egokitzeko.

   Aldaketen berri emango da, dagokion aurrerapenarekin, https://www.gazteaukera.euskadi.eus helbidearen bidez eta interesdunak eskabidean emandako helbide elektronikora mezu elektroniko bat bidaliz.

5. Eusko Jaurlaritzak ordainduko ditu topaketa horietan parte hartzeagatik sortzen diren mantenu- eta ostatu-gastuak, eta kanpoan geratuko dira Eusko Jaurlaritzak eskaintzen dituen ibilbideak eta garraiobideak erabiltzen ez dituzten pertsonen bidaia-gastuak.

1. Hautaketa Batzordearen lehen hautaketarako proposamena ikusita, Gazteriako zuzendariak ebazpena emango du, Hautaketa Batzordeak dagokion aurre hautaketarako proposamena jakinarazten duenetik zazpi egun baliodun igaro baino lehen. Ebazpen horretan, lehen hautaketan hartu ez diren parte-hartzaileen eta hautaketa-fasea egiteko hartutakoen zerrenda jasoko da, bai eta fase hori egiteko eguna eta lekua ere.

2. Lehen hautaketan hartutako pertsonen zerrendak https://www.gazteaukera.euskadi.eus gazte-atarian jarriko dira ikusgai. Zerrenda horietan norberaren izena agertzen ez bada, esan nahi du norbera ez dutela hartu lehen hautaketan.

1. Hautaketa-prozesuaren bigarren fasean aurreikusitako topaketa amaitu ondoren (lehen hautaketan hartutako pertsona guztientzat da), Hautaketa Batzordeak gehienez ere 100 pertsona eta gehienez ere 50 ordezko proposatuko dizkio Gazteriako zuzendariari, 8.2 artikuluak arautzen duen bezala. Hautaketa Batzordearen proposamena ikusita, Gazteriako zuzendariak ebazpena emango du, eta, horretan, Euskadiko Gazteak Lankidetzan programako lankidetza-ekintzetan parte hartzeko hautatutako pertsonen zerrenda jasoko du. Era berean, ebazpenean, hautatu ez diren pertsonen zerrenda gehituko du.

2. Lankidetza-esperientziak, ahal dela, uztailetik aurrera egingo dira, eta hiru hilabete inguru iraungo dute, salbuespenak salbuespen, esperientziaren tutore den GGKE bakoitzarekin adosten diren baldintzen arabera.

3. Euskal Herriko Agintaritzaren Aldizkarian argitaratuz jakinaraziko da Euskadiko Gazteak Lankidetzan programako lankidetza-ekintzetan parte hartzeko hautatutakoen eta hautatu ez direnen zerrenda jasotzen duen Gazteriako zuzendariaren ebazpena, ebazpen hau argitaratu eta hurrengo egunetik sei hilabete igaro baino lehen. Epe hori igaro eta ebazpenik argitaratu ez bada, eskabideak ezetsitzat joko dira, Administrazio Publikoen Administrazio Prozedura Erkidearen urriaren 1eko 39/2015 Legearen 25. artikuluan xedatutakoaren ondorioetarako.

4. Ebazpenak ez dio amaiera ematen administrazio bideari, eta, beraren aurka, gora jotzeko errekurtsoa aurkez dakioke goragoko organoari, ebazpena jakinarazi eta hurrengo egunetik hilabete igaro baino lehen.

5. Hautatutako pertsonen zerrenda https://www.gazteaukera.euskadi.eus gazte-atarian jarriko da ikusgai.

   Ebazpenen jakinarazpen elektronikoak Euskal Autonomia Erkidegoko Administrazio Publikoaren egoitza elektronikoaren Nire Karpetaren bidez egingo dira: https://www.euskadi.eus/nirekarpeta

6. Dirulaguntza emateko eta, hala badagokio, ordaintzeko, ezinbestekoa izango da Euskal Autonomia Erkidegoko Administrazio Orokorrak eta haren erakunde autonomoek emandako izaera bereko laguntzen edo dirulaguntzen esparruan hasi eta oraindik izapidetzen ari den edozein itzulketa- edo zehapen-prozedura amaitzea.

2 artikuluan xedatutakoa gorabehera, osasun- edo segurtasun-arrazoiengatik, aldaketa hauek egin daitezke:

1. Egonaldiaren iraupena murriztu daiteke parte-hartzailea irten aurretik edo helmugako herrialdean dagoen bitartean. Lehenengo kasuan, parte-hartzaileak eman zaion plazari uko egin ahal izango dio. Bigarren kasuan, parte-hartzaileak nahitaez itzuli beharko du helmugako herrialdetik Euskal Autonomia Erkidegora, eta, itzultzen ez bada, herrialdeko egonaldia eta itzulera beraren kontura izango dira, eta automatikoki baliogabetuko dira egonaldirako kontratatutako aseguruak eta gainerako zerbitzuak.

2. Egonaldiaren hasiera atzeratu ahal izango da, aldez aurretik Gazteria Zuzendaritzaren, GGKEaren eta parte-hartzailearen artean adostuta, betiere urte naturalaren barruan. Pertsonak, beste egun batzuetan ezin badu bidaiatu edo ez badu nahi, emandako plazari uko egin ahal izango dio.

Garapenerako lankidetza-ekintzetan integratzeko, hautatutako pertsona bakoitzak konpromiso hauek hartu beharko ditu aldez aurretik, Gazteria Zuzendaritzan aurkeztutako dokumentu baten bidez:

1. Dagokion tutoretzako GGKEaren ardurapeko prestakuntza-fase batean parte hartzea, helmugako herrialdean esperientzia hasi aurreko fasean.

2. Esleitutako ekintzaren ondoriozko bizi-baldintzetara egokitzea.

3. Helmugako herrialdean egotea esperientziaren aldia amaitu arte.

4. Dagozkion osasun-gomendioak betetzea.

5. Esperientzia amaitzean, balorazio-txosten bat aurkeztea haren garapenari, behatutako ekintzari eta bete beharreko beharrei buruz, hurrengo urteetan garatu beharreko proiektu bat egin ahal izateko beharbada.

6. Programaren eta esperientzia bakoitzaren garapenari buruzko ebaluazio-jardunaldietan parte hartzea uneko urteko programa amaitu ondoren.

7. Urtebetean prest egotea GGKEek, Garapenerako Lankidetzaren Euskal Agentziak eta Eusko Jaurlaritzako Gazteria Zuzendaritzak antolatzen dituzten sentsibilizazio-jardueretan parte hartzeko.

8. Gutxienez 30 ordu eskaintzea dagokion GGKE tutoreari, iritsi eta hurrengo egunetik hasita 30 egun igaro baino lehen.

9. Dirulaguntzei buruzko azaroaren 17ko 38/2003 Lege Orokorraren 14. artikuluan ezartzen diren eta aplikatzekoak diren betebeharrak betetzea.

Eusko Jaurlaritzak oso-osorik ordainduko ditu gobernuz kanpoko erakundearekin harremanetan jarri arteko joan-etorriko bidaiaren gastuak helmugako herrialdean sartzeko bisak eragindakoak barne, hala badagokio, bai eta hautatutako parte-hartzaile bakoitzarentzat kontratatutako erantzukizun zibileko, istripuetako eta bidaia-laguntzako polizak.

Boluntarioek programa honetan parte hartzeak esan nahi du programa hori arautzen duten arauak onartzen dituztela, eta haien parte-hartzea, funtsean, haiek integratzen diren proiektuan egiten dituzten lanetan gauzatuko da, bai eta itzultzean GGKEak, Garapenerako Lankidetzaren Euskal Agentziak eta Gazteria Zuzendaritzak egindako ekintzetan ere, 12. artikuluan aurreikusitakoaren arabera.

Dirua itzultzeko kausa izango da onuradunek ebazpen honetan aurreikusten diren betebeharrak eta Dirulaguntzei buruzko azaroaren 17ko 38/2003 Lege Orokorraren 37. artikuluan ezartzen dena ez betetzea, betiere proportzionaltasun-printzipioa kontuan hartuta, Dirulaguntzei buruzko azaroaren 17ko 38/2003 Lege Orokorraren 17.3.n) artikuluan ezarritakoarekin bat etorriz.

Horrelako kasuren bat gertatuz gero, jasotako zenbatekoak eta dagozkion berandutze-interesak itzuli beharko zaizkio Euskal Autonomia Erkidegoko Diruzaintza Nagusiari, betiere azaroaren 11ko 1/1997 Legegintza Dekretuan eta abenduaren 17ko 698/1991 Dekretuan aurreikusitakoaren arabera eta horiek bete ondoren (1/1997 Legegintza Dekretua, azaroaren 11koa, Euskal Autonomia Erkidegoko Ogasun Nagusiaren Antolarauei buruzko Legearen testu bategina onartzen duena, eta 698/1991 Dekretua, abenduaren 17koa, Euskal Autonomia Erkidegoaren Aurrekontu Orokorren pentzudan ematen diren dirulaguntzen bermeei eta horiek itzultzeari buruzko erregimen orokorra arautzen duena).

Deialdi honetako dirulaguntzak bateraezinak dira beste edozein entitate publiko edo pribatuk helburu berarekin ematen dituen entitate publiko edo pribatuen dirulaguntza edo diru-sarrerekin. Gainfinantzaketatzat hartuko da helburu berarekin jasotako edozein diru-sarrera.

Gazteria Zuzendaritzari dagokio ebazpen honen bidez deitutako programa kudeatzeko lanak egitea.

Datu pertsonalak tratatuko dira, eta «Auzolandegiak eta Euskadiko Gazteak Lankidetzan programak» izeneko tratamendu-jardueran sartuko dira.

Arduraduna: Gazteria Zuzendaritza, Lehendakaritza.

Helburua: gazteen eta euskal gazte lankideen boluntariotza-eremuetako programetan parte hartzen duten pertsonen datuak kudeatzea; baimenak eta laguntzak izapidetzea.

Legitimazioa: tratamendua beharrezkoa da, interes publikoaren aldeko eginkizunen bat betetzeko edo tratamenduaren arduradunari emandako botere publikoak betetzeko jardunean.

Hartzaileak: irabazi-asmorik gabeko elkarteak eta antolakundeak, Europar Batasuneko organoak, Estatuko Administrazioko beste organo batzuk, toki-administrazioko beste organo batzuk eta autonomia-erkidegoko beste organo batzuk.

Eskubideak: datuak eskuratzeko, zuzentzeko eta ezabatzeko eskubidea duzu, baita informazio gehigarrian jasotzen diren bestelako eskubide batzuk ere.

Informazio osagarria: gure webgunean kontsulta dezakezu datuen babesari buruzko informazio gehigarri eta zehaztua: https://www.euskadi.eus/informazio-klausulak/web01-sedepd/eu/gardentasuna/103700-capa2-eu.shtml

Araudia:

Datuen Babeserako Erregelamendu Orokorra: (https://www.euskadi.eus/contenidos/informacion/normativa_dpd/eu_def/adjuntos/RGPD-2016_0679_eu.pdf).

3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa: (https://www.boe.es/boe_euskera/dias/2018/12/06/pdfs/BOE-A-2018-16673-E.pdf).