Gaur egun, Euskotrenen Bilbo-Donostia trenbidearen 79+400 KPan, tuneletik irtetean, bi ezponda malkartsuren artean sartuta dago trenbidea. Ezponda horietan behera inguruetako ura jaisten da, eta ur asko pilatzen da eremu horretan.

Horrez gain, ezkerreko ezponda higatuta dago, eta lur jausiak gertatzen dira, lehen aipatu bezala.

ETSren helburua da Zumaiako San Migel tunelaren inguruetan trenbide plataformaren egoera hobetzea.

Gaur egun, luizi bat dago Euskotrenen Bilbo-Donostia trenbidearen ezkerreko ezpondan.

Proiektu honetan aurreikusitako esku hartzeak San Migel tunelaren irteeran egingo dira, BilboDonostia trenbidea Zumaiatik igarotzen den lekuan, 79+387 KPan. Hona hemen jarduketak laburbilduta:

Euri uraren kolektorea diseinatzea.

Inguru horretan ezponda egonkortzea.

Euri uraren kolektorea birjarriko da, lehendik dagoenak ez duelako behar besteko edukierarik trenbide plataforman jasotako euria husteko; euri asko egiten duenean, urpean gelditzen da plataforma. Birjartze lan horietan, drainatze obraren sekzioa handituko da, husteko ahalmena handitzeko, eta irteera kota berrira egokituko da kolektorea, datozen hilabeteetan trenbidea berritzeko egingo diren obren ondorioz aldatu egingo baita kota hori.

Kolektore berriak 85 metro inguruko luzera izango du, eta zanga zulatu eta eskoratuko da hura jartzeko. Kolektorearen zatirik handiena bide asfaltatu baten azpitik joango da. Trazaduraren gainerako zatian sastrakak eta belardiak daude, ahoan eta hasieran.

Halaber, trenbide plataformaren ezkerraldean dagoen ezponda konpontzea aurreikusten da, San Migel tunelaren irteeran, Donostiarako noranzkoan; izan ere, lurra jausten da bertan. Horretarako, lur jausiei eusteko neurriak hartuko dira.

Proiektua egikaritzeko aurrekontua ehun eta hogeita hamaika mila berrehun eta hiru euro eta hogeita bederatzi zentimokoa (131.203,29) da. Horrek esan nahi du lizitaziorako oinarrizko aurrekontua ehun eta laurogeita zortzi mila bederatziehun eta hemeretzi euro eta hirurogeita bi zentimokoa (188.919,62) dela, BEZ barne, eta administrazioak horren berri izateko aurrekontua: ehun eta hirurogeita lau mila hirurehun eta hogeita bederatzi euro eta laurogeita hamabi zentimokoa (164.329,92), BEZik gabe.

Obrak egiteko bi hilabete eta erdiko (2,5) epea aurreikusten da.

Euskal Trenbide Sareko (ETS) Zerbitzu Teknikoek egiaztatu dute proiektu honek bere xedeari erantzuten diola eta Sektore Publikoko Kontratuen Legeak eta Administrazio Publikoen Kontratuen Legearen Erregelamendu Orokorrak eskatutako baldintzak betetzen dituela, kontrata bidez egikaritzeko behar diren alderdi nahikoak jasotzen baititu; halaber, maila formalean berrikusi du proiektua eta berresten du bete egiten duela Sektore Publikoko Kontratuen Legean eta Administrazio Publikoen Kontratuen Legearen Erregelamendu Orokorrean ezarritakoa, maila formalean, beharrezko dokumentuak eta indarrean dagoen araudia sartzeari dagokionez, edukiari, sinadurei eta alderdi formalei, beharrezko kalkulu-oinarri eta -hipotesiei eta Sektore Publikoko Kontratuen Legearen 233.1 artikuluan zerrendatutako edukiari dagokienez.

Organo honek eskumena du Gobernu Kontseiluari erreserbatuta ez dauden trenbide sareko proiektuak egiteko eta onartzeko, Lurralde Plangintza, Etxebizitza eta Garraio Sailaren egitura organikoa eta funtzionala ezartzen duen 2021eko urtarrilaren 19ko 11/2021 Dekretuaren 16.2.b) artikuluan xedatutakoaren arabera.

Aipatutako xedapenak, horiekin bat datozenak eta oro har aplikatu beharrekoak ikusita, hau