Abenduaren 27ko 1048/2022 Errege Dekretuak, 2023tik aurrera zuzeneko ordainketen bidezko esku-hartzeak aplikatzeari eta Nekazaritza Politika Erkidearen Plan Estrategikoaren esparruan betekizun komunak ezartzeari buruzkoak, eta kudeaketa- eta kontrol-sistema integratuaren eskaera bakarra arautzeari buruzkoak, 112. artikuluan ezartzen du nekazariek, eskaera aurkezteko eta aldatzeko epea amaitu ondoren, eskaera bakarra egokitzeko aukera izango dutela, aurretiazko kontroletan, administrazio-kontroletan edo monitorizazio bidezko kontroletan hautemandako ez-betetzeak zuzendu aldera, hartara, administrazio-murrizketak eta -zehapenak saihesteko.

1048/2002 Errege Dekretuak eskaera bakarraren egokitzapen horiek egiteko ezartzen duen epea 2023ko irailaren 8an amaituko da.

Aurrekoa gorabehera, Errege Dekretuak ezartzen du autonomia-erkidegoek aukera dutela beren jarduera-eremuan eskaera bakarra egokitzeko epea luzatzeko, betiere Nekazaritza Bermatzeko Espainiako Funtsari jakinarazpen arrazoitua egin ondoren eta Europar Batasuneko erregelamenduek baimentzen duten gehieneko epearen barruan. Kasu horretan, epemuga saldoaren lehen ordainketaren edo aurrerakinaren eguna baino hamar egun lehenagokoa izan behar du, gutxienez.

Autonomia-erkidegoak eskaera bakarra egokitzeko epea luzatzea erabakitzen badu, ulertu behar da ere monitorizazio bidezko kontroletan detektatutako gorabeherei erantzuteko ebidentzia gehigarriak aurkezteko epea luzatu egiten dela gorabehera horiek detektatu diren esku-hartzeetarako ere, aipatutako Errege Dekretuaren 111. artikuluak ezartzen duenaren arabera.

Eskuduntza duen agintaritzak onuradunei hautemandako gorabeherak jakinarazi beharko dizkie, ebazpen honen arabera ezarritako eskaera bakarraren egokitzapen-epea amaitu baino hamar egun baliodun lehenago, beranduenez, nekazariek gutxieneko tarte bat izan dezaten, behar bezala erantzuteko.

Ildo beretik, 1048/2022 Errege Dekretuaren 113. artikuluak aukera ematen die autonomia-erkidegoei laguntza-eskaerak osorik edo partzialki erretiratzeko epea luzatzeko, hasiera batean irailaren 8rako ezarrita badago ere.

2023ko kanpaina honetan, PAC berria aplikatzen den lehen urtea denez, hainbat inguruabar berezi gertatu dira, eta, horien ondorioz, eskaera bakarra aurkezteko eta aldatzeko epea luzatzea gomendagarria suertatu da, eta horrek kontrolen hasiera eta espedienteen kudeaketa atzeratu du. Baina, are gehiago, errealitate horren gainean egoeraren araberako arazo batzuk gertatu dira, ezinbesteko egin dutenak Euskal Autonomia Erkidegoan eskaera bakarra egokitzeko epea atzeratzea, nekazariei tarte nahikoa emateko laguntza-eskaerak egokitu ditzaten edo froga gehigarriak aurkez ditzaten Administrazioak hautemandako gorabeherak jakinarazi ondoren, edo laguntza-eskaerak guztiz edo partzialki kentzeko.

Horregatik guztiagatik, honakoa