Arautegia

Inprimatu

EBAZPENA, 2022ko ekainaren 20koa, Laneko eta Gizarte Segurantzako zuzendariarena, zeinaren bidez erregistratzen, gordailutzen eta argitaratzen baita Eusko Jaurlaritzako zentroetan zerbitzuak ematen dituzten langileen eta garbiketa-zerbitzuaren emakidadun diren enpresen arteko hitzarmen kolektiboaren Batzorde Paritarioak egindako akordioa (hitzarmenaren kodea: 860100013012013).

Identifikazioa

  • Lurralde-eremua: Autonomiko
  • Arau-maila: Ebazpena
  • Organo arau-emailea: Lan eta Enplegu Saila
  • Jadanekotasuna-egoera: Indarrean

Aldizkari ofiziala

  • Aldizkari ofiziala: EHAA (Euskal Herria)
  • Aldizkari-zk.: 133
  • Hurrenkera-zk.: 3142
  • Xedapen-zk.: ---
  • Xedapen-data: 2022/06/20
  • Argitaratze-data: 2022/07/11

Gaikako eremua

  • Gaia: Gizarte gaiak eta emplegua; Administrazioaren antolamendua; Ogasun eta Ekonomía
  • Azpigaia: Lana eta enplegua; Gobernua eta herri administrazioa; Ekonomia; Sailak

Testu legala

Aurkibidea erakutsiAurkibidea ezkutatu

Lehenengoa. 2022ko ekainaren 20an, aipatu hitzarmen kolektiboaren Batzorde Paritarioak hartutako erabakiaren dokumentazioa aurkeztu da REGCONen. Enpresaren eta sindikatuen ordezkariek sinatuta egon da dokumentazioa.

Lehenengoa. Lan-agintaritza honi dagokio Langileen Estatutuari buruzko Legearen testu bateginaren 90.2 artikuluan aurreikusitako eskumena (urriaren 23ko 2/2015 Legegintzako Errege Dekretuaren bidez onartu zen testu bategin hura), hala xedatuta baitago Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen lehendakariaren irailaren 6ko 18/2020 Dekretuaren 6. artikuluan, urtarrilaren 19ko 7/2021 Dekretuaren 10.1.i artikuluarekin lotuta (dekretu hori uztailaren 6ko 167/2021 Dekretuak aldatu zuen, zeinaren bidez ezartzen baita Lan eta Enplegu Sailaren egitura organikoa eta funtzionala).

Bigarrena. Prozedura honetan aplikatu beharreko funtsezko araudia maiatzaren 28ko 713/2010 Errege Dekretuan (lan-hitzarmen eta -akordio kolektiboak erregistratu eta gordailutzeari buruzkoa) eta urtarrilaren 25eko 9/2011 Dekretuan (Euskal Autonomia Erkidegoko lan-hitzarmen eta -akordio kolektiboak erregistratu eta gordailutzeari buruzkoa) jasotakoa da.

Hirugarrena. Aurkeztu den erabakia inskribatu beharreko egintza bat da, maiatzaren 28ko 713/2010 Errege Dekretuak 2. artikuluan aurreikusitakoari jarraikiz. Aztertu dira inskribatzeko eskaera eta erantsitako dokumentazioa, eta ikusi da eskaera horretan betetzen direla legezko eskakizun guztiak. Beraz, Euskal Autonomia Erkidegoko hitzarmen eta akordio kolektiboen erregistro eta gordailua sortu zuen urtarrilaren 25eko 9/2011 Dekretuak 9. artikuluan ezarritakoari jarraikiz, honako hau

Lehenengoa. Erabakia Euskadiko Hitzarmen eta Akordio Kolektiboen Erregistroan inskribatu eta gordailutzeko agintzea, eta alderdiei jakinaraztea.

Bigarrena. Akordioa Euskal Herriko Agintaritzaren Aldizkarian argitara dadila agintzea.

Vitoria-Gasteiz, 2022ko ekainaren 20a.

Laneko eta Gizarte Segurantzako zuzendaria,

ANGEL LAPUENTE MONTORO.

Yolanda Blanco Bastidak, Eusko Jaurlaritzako zentroetan zerbitzuak ematen dituzten langileen eta garbiketa-zerbitzuaren emakidadun diren enpresen arteko hitzarmen kolektiboaren Batzorde Paritarioak emandako baimena baliatuz (langile horiek honako zentro hauetan ematen dituzte zerbitzuak: Lakua, Samaniego, Arkautiko Akademia, Barne-bulegoak, Eusko Jaurlaritza, Ejie-Eusko Jaurlaritzako Dokumentazio Zentroa, Emakunde, Arartekoaren bulegoa, Herri Kontuen Euskal Epaitegia, Gasteizko Justizia Jauregia, Lehendakaritza, Euskadiko Zerga Koordinaziorako Organoa/SOS Deiak, Neiker-Arkautiko Granja Eredua, CRL/LHK, Zuzenean, Arabako eta Bizkaiko Osalan zentroak, Arabako, Bizkaiko eta Gipuzkoako probintzia-artxibo historikoak), honako hau

Adierazten Du: Batzordea 2022ko apirilaren 6an bildu zen, eta Zaintzen SAk eskatuta (sarrera-erregistroko zk.: 8.183), beherago azaltzen den gaia aztertu zuen. Bileraren aktan dago transkribatuta zein izan zen ebazpena.

Proposatutako Gaia: Zaintzen SA enpresak Batzorde Paritarioari eskatzen dio Gipuzkoako Eusko Jaurlaritzaren kudeaketa bateratuko zentroetan (helbide hauetan daude zentroak: Vitoria-Gasteiz kalea 3, Intxaurrondo kalea 70, Marina kalea 12, Andia kalea 13 eta Easo kalea 10) zerbitzuak ematen dituzten langileak hitzarmenaren aplikazio-esparruaren barruan sartzeko.

Batzordearen Ebazpena: Batzorde Paritarioak, Eusko Jaurlaritzako zentroetan zerbitzuak ematen dituzten langileen eta garbiketa-zerbitzuaren emakidadun diren enpresen arteko hitzarmen kolektiboaren I. eranskinean esleitutako eginkizunak betetze aldera, aho batez erabaki du Gipuzkoako Eusko Jaurlaritzaren kudeaketa bateratuko zentroen aplikazio-esparruaren barruan sartzea helbide hauetan dauden zentroak: Vitoria-Gasteiz kalea 3, Intxaurrondo kalea 70, Marina kalea 12, Andia kalea 13 eta Easo kalea 10.

Eta hala ziurtatzen du, dagozkion ondorioetarako, Vitoria-Gasteizen, 2022ko ekainaren 16an.

Gaiarekin lotutako edukiak.


Arauaren historia

Ez dago lotutako edukirik

Eskumenak eta transferentziak

Ez dago lotutako edukirik

Garrantzi juridikoko dokumentazioa

Ez dago lotutako edukirik