Lehenengoa. Berdintasunaren aldeko 2022ko Emakunde Saria Asociación por la Igualdad On Giz Berdintasunaren Aldeko Elkarteari ematea irabazi-asmorik gabeko elkartea, saria emateko balioespen-irizpideetara ondoen egokitzen den hautagaia baita. Aipatutako sariak 14.400 euroko dotazioa dauka. Epaimahaiak, ildo horretan, gizartean egiten ari diren lana nabarmendu nahi du, sentsibilizazioaren, kontzientziazioaren eta prestakuntzaren bidez, berdintasunerako eta dekonstrukzio patriarkalerako, bai euskal lurraldean, bai estatuan eta nazioartean, hautagaitzak berak jasotzen duen bezala.

Epaimahaiak, bereziki, azpimarratu nahi izan du gizonek gizarte berdinzaleak lortzeko duten inplikazioa. Gainera, era positiboan baloratzen da hautagaitza hori bat etortzea gizonak interpelatzen dituzten erakunde arteko lan-ildo eta kanpainekin. Are gehiago aurrerapenen testuinguru sozial batean, non gizonek gero eta gehiago kontzientziatzen, inplikatzen eta parte hartzen duten emakumeen eta gizonen berdintasunaren alde eta emakumeen aurkako indarkeriaren aurka.

Azkenik, epaimahaiak berdintasunaren alde lan egiten duten beste erakunde eta kolektibo batzuei ere aintzatespena eman nahi die, gizonen beharrezko inplikaziorik gabe hori ezinezkoa dela ulertuta. Berdintasunean oinarritutako bizikidetza-eredu berri batek, emakumeei ez ezik, gizarte osoari ere egiten dio mesede, baita gizonei ere.

Bigarrena. Ebazpen honek amaiera ematen dio administrazio-bideari, eta, beronen aurka, aukerako berraztertzeko errekurtsoa aurkez dakioke organo horri berari, hilabeteko epean, ebazpena Euskal Herriko Agintaritzaren Aldizkarian argitaratu eta biharamunetik aurrera; bestela, administrazioarekiko auzi-errekurtsoa aurkez daiteke dagokion administrazioarekiko auzien epaitegian, bi hilabeteko epean, ebazpena Euskal Herriko Agintaritzaren Aldizkarian argitaratu eta biharamunetik hasita.

Vitoria-Gasteiz, 2022ko azaroaren 25a.

Emakunde-Emakumearen Euskal Erakundearen zuzendaria,

MIREN ELGARRESTA LARRABIDE.