Arautegia
InprimatuEBAZPENA, 2022ko azaroaren 18koa, Kulturako sailburuordearena, 2022. eta 2023. urteetan euskal kultura-ondare immateriala babesteko lanak egiteko dirulaguntzak emateko dena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Kultura eta Hizkuntza Politika Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 227
- Hurrenkera-zk.: 5181
- Xedapen-zk.: ---
- Xedapen-data: 2022/11/18
- Argitaratze-data: 2022/11/28
Gaikako eremua
- Gaia: Kultura eta Kirola; Administrazioaren antolamendua; Hezkuntza
- Azpigaia: Gobernua eta herri administrazioa
Testu legala
Kultura eta Hizkuntza Politikako sailburuaren 2022ko uztailaren 22ko Aginduaren bidez (ekainaren 7ko Euskal Herriko Agintaritzaren Aldizkaria, 168. zk.), 2022. eta 2023. urteetan euskal kultura-ondare immateriala babesteko lanak egiteko dirulaguntzetarako deialdia arautzen da.
Eskabideak aztertu ondoren, eta deialdiaren 15. artikuluan ezarritakoarekin bat etorriz, Balorazio Batzordeak, 2022ko urriaren 24an egindako bileran, dirulaguntzak emateko proposamena egin zuen.
Horregatik guztiagatik, Balorazio Batzordeak egindako proposamena ikusita, eta aipatutako Aginduaren 17. artikuluarekin eta aplikazio orokorreko gainerako xedapenekin bat etorriz, honako hau
Lehenengoa. I. eranskinean zerrendatzen diren eskatzaileei dirulaguntzak ematea, zehazten diren zenbatekoekin.
Bigarrena. Eskatutako dirulaguntza ukatzea ebazpen honen II. eranskinean ageri diren pertsonei, eranskinean bertan ematen diren arrazoiengatik.
Hirugarrena. III. eranskinean zehaztutako eskabideak ez onartzea, bertan azaldutako arrazoiengatik.
Laugarrena. Proposatutako onuradunek agindu arautzailean ezarritako baldintzak bete beharko dituzte, bai eta Euskal Autonomia Erkidegoko Administrazio Orokorraren eremuan oro har indarrean dauden gainerako baldintza guztiak ere.
Bosgarrena. Diruz laguntzekoak diren proiektuek 2022ko ekitaldian hasita egon beharko dute. Amaitzeko epearen azken eguna 2023ko urriaren 3a izango da, eta ezin izango da gauzatzeko epea data horietatik aurrera atzeratu edo luzatu.
Seigarrena. Dirulaguntza arautzen duen aginduaren 20. artikuluan aurreikusitakoaren arabera, honela ordainduko da dirulaguntza:
Lehenengo ordainketan, dirulaguntzaren % 50 emango da, laguntza ematea onartzen den unean, berariaz uko egiten ez bazaio.
Gainerako % 50a gastua justifikatu ondoren ordainduko da, dirulaguntzaren indarraldia amaitu eta eskatutako dokumentazioa aurkeztu ondoren.
Zazpigarrena. Emandako dirulaguntzak aginduaren 21. eta 22. artikuluetan xedatutakoaren arabera justifikatu eta likidatuko dira. Nolanahi ere, justifikazio-agiriak aurkezteko azken eguna 2023ko urriaren 31 izango da, egun hori barne.
Zortzigarrena. Ebazpen hau pertsona eta erakunde interesdunei jakinaraztea.
Bederatzigarrena. Ebazpen hau Euskal Herriko Agintaritzaren Aldizkarian argitaratzea, herritar guztiek haren berri izan dezaten azaroaren 11ko 1/1997 Legegintzako Dekretuaren bidez onartutako Euskal Autonomia Erkidegoko Ogasun Nagusiaren Antolarauei buruzko Legearen testu bateginaren 49.2 artikuluaren arabera.
Ebazpen honen aurka gora jotzeko errekurtsoa aurkeztu ahal izango zaio Kultura eta Hizkuntza Politikako sailburuari, hilabeteko epean, pertsona eta erakunde interesdunek ebazpen honen jakinarazpena jaso edo Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2022ko azaroaren 18a.
Kulturako sailburuordea,
ANDONI ITURBE AMOREBIETA.
(Ikus .PDF)
(Ikus .PDF)
(Ikus .PDF)
