Ekonomiaren Garapen, Jasangarritasun eta Ingurumeneko sailburuaren 2022ko irailaren 28ko Aginduaren bidez, EAEko nekazaritza-sektorerako ezohiko laguntzetarako deialdia egin zen, Errusiak Ukrainari egindako erasoaren ondoren ekonomia babesteko estatu-mailako laguntza-neurriei buruzko Aldi Baterako Esparru Nazionalaren barruan.

Bat etorriz aipatutako 2022ko irailaren 28ko Aginduaren 7. artikuluan xedatutakoarekin, Eusko Jaurlaritzako Nekazaritza eta Abeltzaintza Zuzendaritza da laguntzak kudeatu eta ebazteko organo eskuduna.

2022ko azaroaren 18an, Euskal Herriko Agintaritzaren Aldizkarian argitaratu zen Nekazaritza eta Abeltzaintzako zuzendariaren Ebazpena, zeinaren bidez EAEko nekazaritza-sektorerako ezohiko laguntzak ematen baitzaizkie horretarako epean alegaziorik aurkeztu ez duten ustiategien titularrei. Laguntzok Ekonomiaren Garapen, Jasangarritasun eta Ingurumeneko sailburuak 2022ko irailaren 28ko Aginduaren bidez deitu ziren, Errusiak Ukrainari egindako erasoaren ondoren ekonomia babesteko estatu-mailako laguntza-neurriei buruzko Aldi Baterako Esparru Nazionalaren barruan, eta agindu horren 7.6 artikuluarekin bat etorriz ematen dira.

2022ko azaroaren 15ean argitaratu zen Nekazaritza eta Abeltzaintzako zuzendariaren ebazpena, Euskal Autonomia Erkidegoko Administrazio Publikoaren egoitza elektronikoaren iragarki-taulan. Ebazpen horren bidez argitaratu zen, Errusiak Ukrainaren aurka egindako erasoaren ondoren ekonomia babesteko estatu-mailako laguntza-neurriei buruzko Aldi Baterako Esparru Nazionalaren barruan EAEko nekazaritza-sektorerako ezohiko laguntza bat emateari dagokionez, zerbait zuzendu edo egiaztatu behar duten ustiategien titularren zerrenda.

Aurreko guztia kontuan hartuta, eta aipatutako 7.6 artikuluaren arabera aurkeztutako alegazioak aztertu ondoren, onuradun-talde berri bat zehaztu da, laguntza jasotzeko 2022ko irailaren 28ko Aginduan ezarritako baldintzak betetzen dituena. Era berean, baldintza horiek betetzen ez dituzten ustiategien titularrak zehaztu dira, eta, beraz, laguntza ukatu behar zaie.

Onuradunek zerga-betebeharrak eta Gizarte Segurantzarekikoak egunean dituztela egiaztatu ondoren, oinarrizko laguntzaren zenbatekoa kalkulatzeko, 2022ko irailaren 28ko Aginduaren 5.2 artikuluan ezarritako banakako zenbatekoak aplikatu dira:

1. 220 euro «2021eko Eskabide Bakar»ean zehaztutako esnetarako behi bakoitzeko.

2. 85 euro «2021eko Eskabide Bakar»ean zehaztutako behi ume-hazle bakoitzeko.

3. 100 euro «2021eko Eskabide Bakar»ean zehaztutako gizentzeko behi bakoitzeko.

4. 5 euro «2021eko Eskaera Bakar»ean zehaztutako ardi bakoitzeko.

5. 5 euro «2021eko Eskaera Bakar»ean zehaztutako ahuntz bakoitzeko.

6. 35 euro 2022ko «NUA Nahitaezko Urteko Aitorpen»ean adierazitako txerri eme ugaltzaile bakoitzeko.

7. 80 euro 2022ko «NUA Nahitaezko Urteko Aitorpen»ean adierazitako gizentzeko txerri bakoitzeko.

8. 2,20 euro 2022ko «NUA Nahitaezko Urteko Aitorpen»ean adierazitako errute-oilo bakoitzeko.

9. Euro 1 2022ko «NUA Nahitaezko Urteko Aitorpen»ean adierazitako gizentzeko oilasko bakoitzeko.

10. 5 euro 2022ko «NUA Nahitaezko Urteko Aitorpen»ean adierazitako untxi eme ugaltzaile bakoitzeko.

11. 50 euro 2022ko «NUA Nahitaezko Urteko Aitorpen»ean adierazitako 12 hilabetetik gorako zaldi bakoitzeko.

12. 160 euro «2021eko Eskabide Bakar»ean zehaztutako patataren (ereiteko edo kontsumorako) eta/edo azukre-erremolatxaren hektarea bakoitzeko.

13. 250 euro «2021eko Eskabide Bakar»ean zehaztutako bazka-artoaren hektarea bakoitzeko.

14. 250 euro «2021eko Eskabide Bakar»ean zehaztutako giza kontsumorako lekadunen hektarea bakoitzeko.

    Laguntza osagarria kalkulatzeko, 2022ko irailaren 28ko Aginduaren 5.3 artikuluan ezarritako ehunekoak aplikatu dira:

1. Laguntza % 5 handiagoa izango da ustiategien titularra emakume bat denean, edo titulartasuna partekatua denean, edo titularra pertsona juridiko bat denean, baldin eta emakumeek partaidetza sozialen gutxienez % 50 badute, sozietatea bi kidek osatzen duten kasuetan, edo, behintzat, partaidetza orekatua bada, gainerako kasuetan.

2. Laguntza % 5 handiagoa izango da, ustiategiaren titularra gazte bat denean (41 urtetik beherako pertsona), edo, titularra pertsona juridiko bat denean, titulartasunaren edo partaidetza sozialen gutxienez % 50 gazteen esku dagoenean.

   Bat etorriz 2022ko irailaren 28ko Aginduaren 5.4 artikuluarekin, eta Errusiak Ukraina inbaditu izanaren testuinguruan ekonomia babesteko krisi-laguntzen aldi baterako esparruari buruzko Europako Batzordearen 2022ko martxoaren 23ko Jakinarazpenean ezarritakoaren arabera (Batzordearen 2022ko uztailaren 20ko Jakinarazpenaren bidez aldatua), enpresa bakoitzak jasoko duen gehieneko zenbatekoa 62.000 euro izango da, eta zenbateko horretan sartuko dira esparru horren babesean jasotako bestelako laguntzak.

   Horregatik guztiagatik, honako hau