Berdintasun, Justizia eta Gizarte Politiketako Sailaren egitura organikoa eta funtzionala ezartzen duen urtarrilaren 19ko 12/2021 Dekretuak 9.1.b) artikuluan ezartzen duenez, Zerbitzu Zuzendaritzari dagokio sailaren kudeaketa ekonomikoa eta aurrekontua exekutatzeko faseak izapidetzea. Hori horrela, Zerbitzu zuzendariak emango du baimena 1.000.000 eurora arteko gastuak egiteko.

Halaber, aipatutako dekretuak ezartzen duenez, Zerbitzu Zuzendaritzaren eginkizuna da langileentzako prestakuntza- eta hobekuntza-planak prestatzea, alde batera utzita Justizia Administrazioko langileak, eta horregatik eragotzi gabe Funtzio Publikoko Zuzendaritzari eta Herri Arduralaritzaren Euskal Erakundeari dagozkien eskumenak. Zerbitzu Zuzendaritzari dagokio, gainera, sailari atxikitako giza baliabideak planifikatu eta kudeatzea, eta Zerbitzu zuzendariak baliatuko ditu Funtzio Publikoari buruzko uztailaren 6ko 6/1989 Legearen 10. artikuluak eta indarrean dauden gainerako arauek sailari esleitzen dizkioten eskumenak; horrez gain, sailak langile-beharrei buruz egindako aurreikuspenak ebaluatuko ditu Zerbitzu Zuzendaritzak, eta sailaren plantilla eta lanpostu-zerrendak osatzeko proposamenak egingo ditu, Justizia Administrazioko langileei buruzkoak izan ezik (9.1 d) eta e) artikulua).

Bestalde, Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen Lehendakariaren irailaren 6ko 18/2020 Dekretuaren 13 g) artikuluarekin bat etorriz, Berdintasun, Justizia eta Gizarte Politiketako Sailaren eskumena da adingabe arau-hausleen arloko eskumenak baliatzea, betiere adingabearen babesean eskumena duten gainerako organo eta administrazioekin lankidetzan. Ildo horretatik, Justizia Zuzendaritzari dagokio gazte-justiziaren arloko jarduerak diseinatu, planifikatu, antolatu eta ebaluatzea, Jaurlaritzako sailen lana koordinatuz (Berdintasun, Justizia eta Gizarte Politiketako Sailaren egitura organikoa eta funtzionala ezartzen duen urtarrilaren 19ko 12/2021 Dekretuaren 14 g) artikulua).

Zumarragako Ibaiondo Ikastetxea askatasunaz gabetzeko neurriak betearazteko hezkuntza-zentro bat da, eta Euskal Autonomia Erkidegoan askatasunaz gabetzeko neurriak betearazteko hezkuntza-zentroei buruzko apirilaren 21eko 80/2009 Dekretuan araututakoen artean dago.

Aipatutako arauaren 28. artikuluaren arabera, honako hauek dira, besteak beste, Zuzendaritzaren eginkizunak: Gazte Justiziako Zerbitzuak ezarritako jarraibideak zuzentzea, koordinatzea, kontrolatzea eta ikuskatzea; zentroaren barne-antolamenduari buruzko zerbitzu-aginduak ematea, Gazte Justiziako Zerbitzuari dagozkion ahalmenak alde batera utzi gabe; zentroaren baliabide ekonomikoak administratzea eta kudeatzea, indarrean dagoen legeriarekin eta Gazte Justiziako Zerbitzuaren jarraibideekin bat etorriz, eta zentroaren premia ekonomikoak eta bestelakoak aztertzea, behar bezala funtzionatu dezan.

Zentroaren arduradunak hartuko du bere gain Zentroaren Zuzendaritza (lanpostua: Gizarte Gaietako arduraduna; kodea: 510261), hala ezarrita baitago Euskal Autonomia Erkidegoan askatasunaz gabetzeko neurriak betearazteko hezkuntza-zentroei buruzko apirilaren 21eko 80/2009 Dekretuaren 28. artikuluan.

Kontuan hartuta Zerbitzu Zuzendaritzak duen lan-karga, une honetan komenigarritzat jotzen da ebazpen honen xedapen-zatian zerrendatzen diren eskumenen erabilera eskuordetzea.

Lehenago adierazitakoaren arabera, eta Sektore Publikoaren Araubide Juridikoaren urriaren 20ko 40/2015 Legearen 9. artikuluan eta Euskal Sektore Publikoaren maiatzaren 12ko 3/2022 Legearen 25. artikuluan ezarritakoarekin bat etorriz, honako hau