Arautegia
InprimatuEBAZPENA, 2021eko urtarrilaren 26koa, Polizia eta Larrialdietako Euskal Akademiako zuzendari nagusiarena, 2019ko abenduaren 20ko Ebazpenaren bidez (2020ko urtarrilaren 8ko EHAA, 4. zk.) deitutako Euskal Autonomia Erkidegoko Polizia-kidegoetako (Ertzaintza eta Udaltzaingoa) Oinarrizko Eskalako agente kategorian txanda irekiaren bidez sartzeko hautaketa-prozedurarako lanpostuak aldatzeko dena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Polizia eta Larrialdietako Euskal Akademia; Segurtasun Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 21
- Hurrenkera-zk.: 533
- Xedapen-zk.: ---
- Xedapen-data: 2021/01/26
- Argitaratze-data: 2021/01/29
Gaikako eremua
- Gaia: Segurtasuna eta justizia; Administrazioaren antolamendua
- Azpigaia: Herrizaingoa; Gobernua eta herri administrazioa; Justizia; Sailak; Funtzio publikoa
Testu legala
2019ko abenduaren 20ko Ebazpenaren bidez (2020ko urtarrilaren 8ko EHAA, 4. zk.), Euskal Autonomia Erkidegoko Polizia-kidegoetako (Ertzaintza eta Udaltzaingoa) Oinarrizko Eskalako agente kategorian txanda irekiaren bidez sartzeko hautaketa-prozedurarako deialdia egin zen.
Deialdi horren helburua Euskal Polizia-kidegoetako (Ertzaintza eta Udaltzaingoa) Oinarrizko Eskalako Agente Kategoriako lanpostuak betetzea zen.
Arrasateko Udalak, guztira, 6 plaza eskaini zituen bere polizia-kidegoko Oinarrizko Eskalako Agente kategorian.
Donostiako Administrazioarekiko Auzien 2 zenbakiko Epaitegiak, 2020ko azaroaren 9an, 260/2020 zenbakiko epaia eman zuen, aipatutako toki-korporazioaren 2019ko lan-eskaintza publikoa deuseztatzen zuena.
Tokiko Gobernu-batzarraren 2020ko abenduaren 17ko Akordioaren bidez, aipatutako epaia egikaritu zen. Hori dela eta, Arrasateko Udalak Polizia eta Larrialdietako Euskal Akademiari jakinarazi zion, gorago aipatutako epaiaren ondorioz, eskainitako plazak 6 izan beharrean 2 izango zirela eta, beraz, 4 plaza deuseztatzen zirela eskaintzatik.
2021eko urtarrilaren 26ko Gipuzkoako Aldizkari Ofizialean, Tokiko Gobernu-batzarraren 2020ko abenduaren 17ko Akordioa argitaratu zen.
Horiek horrela,
Lehenengoa. 2019ko abenduaren 20ko Ebazpenaren bidez (2020ko urtarrilaren 8ko EHAA, 4. zk.) deitutako hautaketa-prozeduran Arrasateko Udalak eskainitako plaza-kopurua aldatzea.
Udal horrek eskainitako plazak 6 izatetik 2 izatera pasatu dira.
Bigarrena. Ebazpen honen aurka, epaia egikaritzearen ondoriozkoa dena, ez dago errekurtsorik jartzerik. Interesdunek betearazpen-intzidentzia sustatu ahal izango dute epaia eman zuen jurisdikzio-organoaren aurrean.
Arkauti, 2021eko urtarrilaren 26an.
Polizia eta Larrialdietako Euskal Akademiako zuzendari nagusia,
ANDRéS ZEARRETA OTAZUA.