Arautegia
InprimatuEBAZPENA, 2021eko abenduaren 3koa, Trafikoko zuzendariarena, zeinaren bidez xedatzen baita argitaratzea Polizia eta Larrialdietako Euskal Akademiari egindako kudeaketa-gomendio honen erabakia: Gidariak Prestatzeko Irakaslearen Gaitasun Agiria lortzeko ikastaroari buruzko 5.2 oinarrian adierazitako prestakuntza presentzialaren faseko irakaste-jarduna gauzatzea (2020ko urtarrilaren 17ko Ebazpeneko deialdia; otsailaren 5eko EHAA, 24. zk.).
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Segurtasun Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 3
- Hurrenkera-zk.: 43
- Xedapen-zk.: ---
- Xedapen-data: 2021/12/03
- Argitaratze-data: 2022/01/05
Gaikako eremua
- Gaia: Segurtasuna eta justizia; Gizarte gaiak eta emplegua; Administrazioaren antolamendua; Hezkuntza
- Azpigaia: Herrizaingoa; Lana eta enplegua; Gobernua eta herri administrazioa; Instituzional; Sailak; Funtzio publikoa
Testu legala
Trafiko Zuzendaritzari dagokio, egitekoen artean, Gidariak Prestatzeko Irakaslearen Gaitasun Agiria lortu nahi dutenentzako ikastarorako deialdia egitea, urriaren 15eko 3256/1982 Errege Dekretuak xedatutakoaren babespean, Segurtasun Saileko egitura organiko eta funtzionala ezartzen duen apirilaren 11ko 83/2017 Dekretuak 17.4.a) artikuluan Trafiko Zuzendaritzari emandako eskumenekin bat etorriz, eta urriaren 17ko 1295/2003 Errege Dekretuaren bidez onartutako Ibilgailu Motordunen Gidarien Eskola Partikularrei buruzko Erregelamenduak ematen dituen eskumenen arabera.
Sektore Publikoaren Araubide Juridikoaren urriaren 1eko 40/2015 Legearen 11. artikuluaren arabera, Administrazioko organoen edo zuzenbide publikoko entitateen eskumeneko jarduera materialak, teknikoak eta zerbitzukoak administrazio bereko edo beste bateko organoei edo erakundeei gomendioan eman dakizkieke, eraginkortasunari begira komeni bada, edo jarduera horiek gauzatzeko baliabide tekniko egokirik ez badago. Gomendioak ez dakar, ordea, ez eskumenaren titulartasuna lagatzea ez eskumen horretaz baliatzeko funtsezko elementuak lagatzea.
Trafiko Zuzendaritzak ez dauka beharrezko baliabiderik Gidariak Prestatzeko Irakaslearen Gaitasun Agiria lortzeko ikastaroetako prestakuntza presentzialaren faseko irakaste-jarduna gauzatzeko.
Polizia eta Larrialdietako Euskal Akademiak esperientzia zabala eta egiaztatua dauka herritarren segurtasunera bideratutako zerbitzu publikoak ematen dihardutenei behar duten prestakuntza profesionala ematen.
Hori dela eta, Polizia eta Larrialdietako Euskal Akademiaren gomendio uzten da Gidariak Prestatzeko Irakaslearen Gaitasun Agiria lortzeko prestakuntza presentzialaren faseko irakaste-jarduna gauzatzeko kudeaketa.
Denek jakin dezaten, kudeaketa-gomendioa ebazpen honen eranskin gisa Euskal Herriko Agintaritzaren Aldizkarian argitaratzea xedatzen dut.
Vitoria-Gasteiz, 2021eko abenduaren 3a.
Trafikoko zuzendaria,
SONIA DÍAZ DE CORCUERA RUIZ DE OÑA.
(Ikus .PDF)
