Xuxurlak

Xehetasunak


Gasteiz (Araba)

Helburuak


  • 01

    LGTBIQA+fobiarik eta heteroarauetatik libre dagoen ingurunea sortzea: pertsonak beren sexu-orientazioaz, genero-identitateaz edo genero-adierazpenaz askatasunez hitz egiteko eta adierazteko moduko konfiantzazko eta babeseko espazioa eskaintzea, bazterketa edo estigmatizazioaren beldurrik gabe.

  • 02

    Nahi gabeko bakardadea prebenitu eta horri aurre egitea: kolektiboko adineko pertsonen laguntza- eta adiskidetasun-sare informalak indartzea, isolamendu sozialaren aurrean komunitate-lotura sendoak sustatuz.

  • 03

    Memoriak berreskuratu eta bizi-ibilbideak sendotzea: entzute aktiborako eta aitortza emozionalerako gunea eskaintzea, errepresioak eta eskubideen aldeko borrokak markatutako belaunaldi baten bizipenak partekatu eta berreraikitzeko, ongizate emozionala sustatuz.

  • 04

    Parte-hartze aktiboa eta adinekoen protagonismoa sustatzea: LGTBIQA+ adineko pertsonak beren komunitateko eragile aktibo bihurtzea bultzatzea, haien ikusgarritasuna handitzeko, topagune berriak sortzeko eta kolektiboaren ahotsa espazio publiko eta instituzionaletara eramateko ekimenak sustatuz, ikuspegi paternalistak edo asistentzialistak saihestuta.

  • 05

    Arreta soziosanitarioko sare publikoa eraldatzen laguntzea: BIZANen eta udaleko gizarte-zerbitzuetan sexu- eta genero-aniztasunaren kontzientziazioa eta ikusgarritasuna sustatzea, adineko pertsonen arretan heterosexualtasuna berez ematen duen ikuspegia gaindituz.

Metodologia


Xuxurlak adineko LGTBIQA+ pertsonentzat sortutako topagune segurua eta diskriminaziorik gabekoa da, zahartzean beren identitatea askatasunez bizi ahal izan dezaten. Hileroko saioen bidez garatzen da, dinamizazio sozioedukatiboan aditua den profesional batek gidatuta, eta ikuspegi intersekzionalean, Pertsonan Oinarritutako Arreta Ereduan (POAE) eta erresilientziaren sustapenean oinarritzen da.

Gasteiz 
Deskargatu fitxa osoa (leiho berri batean irekitzen da) (leiho berri batean irekitzen da)