Argitalpen honen abiapuntua "Making content usable for people with cognitive and learning disabilities" izeneko dokumentua da, eta argitaratu den azken zirriborroa 2020ko uztailekoa da. Oso zehatza da, eta erabiltzaile jakin batzuen esperientzietatik abiatzen da. Erabiltzaile horietatik abiatuta, beharrak antzematen dira eta konponbideak proposatzen dira. Dokumentuak berak planteatzen du gomendioek gida osagarri bat ematen dutela WCAG jarraibideek egiten dituzten eskakizunez haratago, eta jarraibide horiek barne hartu ezin dituzten oztopoetara bideratzen dira. Egileek interes berezia dute erabiltzaileen istorioak aipatzeko; izan ere, haien istorioak eta landutako gaiak ulertzeak diseinatzaileei edukiak ikuspegi kognitibotik eskuragarriago egiten lagun diezaiekeela diote. Gainera, azpimarratu dute proposatutako konponbideak sartzea "funtsezkoa" dela desgaitasun kognitiboa edo ikaskuntzakoa (horrela deitzen die) duten pertsonek eduki horiek modu independentean erabili ahal izateko. Diseinu-proposamenei eskainitako zatia 8 helburutan eta 58 patroitan banatzen da. Patroi bakoitzak erabiltzaile-behar bati erantzuten dio, eredu horretarako zer aplikatu behar den deskribatzen du, patroi horren aplikazioak nola laguntzen duen, nola sartu behar den eta nola aplikatu eta zer saihestu azaltzen duten adibideekin amaitzen du. Gainera, erabiltzaileekin ebaluazio bat egiteko beharra azpimarratzen du, eta ebaluazio hori aplikatzeko jarraibide batzuk eskaintzen ditu. Argitalpen honek dokumentu honen itzulpen laburtua egiten du, eta gaztelaniaz hain modu zabalean egiten den lehena da. Ez da itzulpen ofiziala, baizik eta proposatutako soluzioak teknikari eta garatzaile informatikoei hurbildu nahi dizkie, jatorrizkoa sakon kontsultatu eta proposamenak aplikatzen has daitezen. Argitalpen honekin, Plena Inclusión Madrid erakundeak irisgarritasun kognitiboko konponbideak zabaltzen lagundu nahi du.

Egilea: García, O.

Argitalpen-lekua: Madril

Argitaratzailea: Plena Inclusión

Argitalpen-urtea: 2020

Orrialdeak: 61

Hizkuntza: Gaztelania