Euskadiko Elkarteei buruzko ekainaren 22ko 7/2007 Legearen 42. artikuluak dioenez, Euskal Autonomia Erkidegoko Elkarteen Erregistro Orokorrean inskribatuta dauden elkarteak onura publikokotzat aitortu ahal izango dira, baldin eta elkarteok, beren jardueren bitartez, interes orokorra edo guztien ongia lortzen laguntzen badute, eta, horretarako, eskuzabaltasun-, altruismo-, elkartasun- eta aniztasun-balioak nabarmen gauzatzen badituzte.

Lege horren babesean, Jarduera Fisiko Egokitua Haszten Elkartea izeneko elkarteak aitorpen hori eskatu du, bere ustez interes orokorra sustatzen duelako izaera zibiko eta hezitzaileko helburuak etengabe eta eraginkortasunez gauzatuz, profil eta adin desberdinak dituzten eta desgaitasun anitza duten pertsonekiko aukera berdintasuna eta tolerantzia sustatuz, jarduera fisikoen bidez haien bizi-kalitatea hobetzeko.

Lan nabarmena egiten dute gizartea dibertsitate funtzionalarekiko errespetuaren alde sentsibilizatzeko.

Jarduera Fisiko Egokitua Haszten Elkartea izeneko elkartea Euskal Autonomia Erkidegoko Elkarteen Erregistro Orokorrean inskribatuta dago (zenbakia: AS/B/18960/2015), Herri Administrazio eta Justizia Saileko Toki Administrazioekiko Harremanetarako eta Administrazio Erregistroetako Zuzendaritzak 2015eko urtarrilaren 26an emandako Ebazpena dela bide.

Bizkaiko Lurralde Historikoan garatzen ditu bere eginkizunak.

Eratu zenetik, Jarduera Fisiko Egokitua Haszten Elkartea izeneko elkarteak beharrezko jarduera guztiak egiten ditu bere helburu nagusia lortzeko, hau da, dibertsitate funtzionala duten pertsonekin jarduera fisikoak sustatzea eta garatzea.

Jarduera horiek guztiak interes orokorrekotzat jotzen ditu gizarteak, oro har.

Ekainaren 22ko 7/2007 Legearen 45.2 artikuluak xedatutakoarekin bat eginez, onura publikoa Gobernu Kontseiluak emandako dekretu bidez aitortuko da, gaiaren arabera egoki diren sailek proposamena egin ostean. Agindu hori betez, dagokion espedientea izapidetu da, eta sailek eta erakundeek egindako txostenak erantsi zaizkio espedienteari.

Ondorioz, Gobernantza Publiko eta Autogobernuko sailburuaren eta Berdintasun, Justizia eta Gizarte Politiketako sailburuaren proposamenez, entitate eta erakunde interesdunek emandako txostenak ikusi ondoren, Jaurlaritzaren Kontseiluak 2022ko uztailaren 26an egindako bilkuran aztertu eta onartu ondoren, honako hau