Bilbao Bizkaia Ur Partzuergoak, «Muskizko HUA berrira doan erdi-tentsioko hargune elektrikoa» proiektuaren espedientea formalki onartu eta gero, proiektua gauzatzeko lur guztiak erabiltzeko beharra adierazi zuen.

2020ko abenduaren 14an, Bilbao Bizkaia Ur Partzuergoak nahitaezko desjabetze-espedientea hastea eta ondasunen eta eskubideen zerrenda jendaurrean jartzea erabaki zuen, hamabost eguneko epean, prentsan eta 2020ko abenduaren 28ko Bizkaiko Aldizkari Ofizialean (248. zk.). Geroago, 2021eko otsailaren 9an egindako bilkuran, Bilbao Bizkaia Ur Partzuergoak Eusko Jaurlaritzari proiektuak eragiten dituen eskubideak eta ondasunak okupatzeko premiaren adierazpena eskatzea erabaki zuen, Nahitaezko Desjabetzearen Legearen 52. artikuluan ezarritakoa betetzeko.

Premiaz okupatu beharreko ondasunak eta eskubideak zehaztuta eta banakatuta agertzen dira espedientean jasotako zerrendan, identifikazioak egiteko datu askirekin agertu ere. Zerrenda hori jendaurrean jarri zen egoki zenean, eta alegazio bat aurkeztu zen, administrazio-espedientean adierazten denez.

Zerbitzu teknikoek ikusi dutenez, ez dago espedientea izapidetzeko inolako hirigintza-oztoporik.

Ondasun eta eskubide horiek okupatzea luzaezintzat jotzen da, honako arrazoi hauengatik:

Muskizko HUAk, gaur egun, modu egokian araztu dezakeena baino emari eta karga handiagoak arazten ditu. Hori dela eta, beharrezkoa da instalakuntza horretan aktuazioren bat egitea, Barbadun itsasadarraren ibilgura isuri desegokiak egitea saihesteko. Aktuazio horien ondorioz, HUAk behar duen energia elektrikoa areagotu egingo da.

Ezinbestekoa da hargune elektriko hau egitea; izan ere, hargune hori gabe, ezinezkoa da Muskizko HUA martxan jartzea, Barbadun itsasadarreko ibilgura isurketa desegokiak saihesteko beharrezkoak diren jarduketak direla medio.

Euskal Autonomia Erkidegoko Lurralde Antolamenduari buruzko maiatzaren 31ko 4/1990 Legearen 26.1.f artikuluan xedatzen denez, Eusko Jaurlaritzari dagokio nahitaez desjabetu beharreko ondasunak eta eskubideak premiaz okupatu behar direla deklaratzea, nahitaezko desjabetzeak honako hauek hartzen dituenean: burutze-unitate osoak, lurraldearen hirigintza-antolaketari dagozkion sistema orokorrak edo antolaketa horren elementuren bat eta hiri-lurzoruan egin beharreko banakako jarduketak. Goian aipatutako lege horrek 26.2 artikuluan ezarritakoaren arabera, lurralde-antolamenduaren eskumenak dituen sailburuari zegokion horretarako proposamena aurkeztea Jaurlaritzaren Kontseiluari.

Hori dela eta, Lurralde Plangintza, Etxebizitza eta Garraioetako sailburuak proposaturik, Gobernu Kontseiluak, 2021eko ekainaren 8ko bilkuran gaia aztertu ondoren, honako hau