Itunpeko ikastetxe bateko ikasle baten legezko ordezkariak hezkuntza administrazioari eskatu dio hezkuntza-premia bereziak dituen ikasleei buruzko aplikazio informatiko bateko ikaslearen datuak ezabatzeko. Hezkuntza administrazioak erabaki behar du datu pertsonalak zenbat denbora gorde behar diren, bai eta ezereztu nahi dituzten datuak ere; eta gordetzeko arrazoia da ikasleen hezkuntzarako eskubidea bermatzea, hezkuntza araudiak agintzen dituen baldintzekin. Edozelan ere, bete egin beharko da DBLOren 4.5 artikuluko kalitatearen printzipioa; horrek esan nahi du datu pertsonalak ezabatu egin beharko direla nahitaez, datuok jasotzeko edo erregistratzeko zegoen helbururako beharrezkoak izateari uzten diotenean.