Chionomys nivalis edo elur-lursagua (Martins, 1842) karraskari errupikola txikia da, egun goi-mendiko bizi-baldintzetara egokiturik bizi dena. Azkeneko izotzaldian Iberiar penintsularen zati handi batean hedatu zen. Aldi horren amaieran, haren banaketa-eremua izugarri zatikatu zen, eta espezie hau mendi-sistemetako ingurune oso zehatzetan baino ez zen gelditu. Dokumentu honetan aurkeztutako azterlanak helburu hauek ditu: banaketa-eremua berrikustea, ugaritasuna aztertzea eta kontserbazio-egoera baloratzea. |