Barne-sustapeneko txanda

Deialdi guztietan dago bat?

Enplegua finkatzeko salbuespenezko prozesuetan ez da egongo barne-sustapeneko txandarik.

Enplegua finkatzeko prozesu bereziei dagokienez, hautaketa-prozesu bakoitzaren oinarri espezifikoetara jo beharko da, eta hautaketa-prozesu bakoitzaren oinarri espezifikoek hala xedatzen dutenean egongo da txanda hori.

Zein dira txanda horretan parte hartzeko eskatzen diren baldintzak?

Barne-sustapeneko txandan parte hartzeko baldintzak 22. oinarri orokorrean deskribatzen dira. (ikus HAUTAKETA-TXANDAK ETA –MODALITATEAK (leiho berri batean irekitzen da), eta HAUTAKETA-PROZESUETAN PARTE HARTZEKO BETEKIZUNAK (leiho berri batean irekitzen da), INFORMAZIO OROKORRA ataleko GAI OROKORRAK azpiatalean).

EAEko Administrazio Orokorra ez den beste administrazio batean kidego eta eskala berean karrerako funtzionarioa banaiz, barne-sustapeneko txandan aurkez naiteke?

Barne-sustapena administrazio bateko talde eta azpitaldeetatik administrazio bereko talde eta azpitaldeetara egiten da. Beraz, prozesu hauetan Euskal Autonomia Erkidegoko Administrazio Orokorreko eta haren erakunde autonomoetako langileek soilik parte hartu ahal izango dute txanda horretan.

Zenbat denbora eman behar dut zerbitzu aktiboan jatorrizko taldean edo azpitaldean, barne-sustapenaren bidez parte hartzeko?

Jatorrizko taldean edo azpitaldean zerbitzu aktiboan egoteko betekizunak hautaketa-prozesu osoan iraun behar du. Hau da, eskabideak aurkezteko epea amaitzen denetik –orduan bete behar dira, oro har, prozesuetan parte hartzeko eskatzen diren baldintza guztiak– hautaketa-prozesua guztiz amaitu arte, hau da, lanpostuaz jabetzeko unera arte.