Osakidetzak 219.000 hitzordu baino gehiago erregistratu ditu gripearen aurkako txertoa hartzeko, eta gogorarazten du urriaren 19tik azaroaren 1era bitartean aurretiko hitzordurik gabe jarriko dituztela txertoak txertoguneetan, baita 6 hilabetetik gorako haurrei ere

Argitalpen-data: 

20261005_159_TXERTOA_JARRI.jpg

Dagoeneko 18.000 hitzordu baino gehiago hartu dira 6 eta 59 hilabete bitarteko haurrentzat, horiek baitira txertaketaren lehentasunezko taldeetako bat; irailaren 28an hasi zitzaien txertoa jartzen

Osasun Sailak eta Osakidetzak herritarrak animatu nahi dituzte hitzordua eska dezaten edo txertoguneetara joan daitezen, eta gogorarazten dute txertaketak txertoa hartzen duena zein horren inguruan daudenak babesten dituela

Urriaren 19tik azaroaren 1era, 6 hilabetetik gorako edozein pertsonak hartu ahal izango du txertoa, hitzordurik gabe, Arabako, Bizkaiko eta Gipuzkoako txertoguneetan

Gripearen eta COVID-19aren aurkako txertaketak Osasunaren Euskal Itunaren helburuak indartzen ditu: osasungintza prebentiboagoa, hurbilagoa eta eskuragarriagoa, herritarren beharretan zentratua

Osakidetzak 219.287 hitzordu erregistratu ditu 2026-2027 gripearen aurkako txertaketa-kanpaina hasi zenetik. Txertaketa irailaren 28an hasi zen. Lehenik egoitzetan dauden pertsonei eta 6 hilabetetik 5 urtera bitarteko haurrei zuzendu zitzaien, eta, ondoren, gomendatutako gainerako taldeekin jarraitu du.

Osasun Sailak eta Osakidetzak hitzordua eskatzera edo txertoguneetara joatera animatu nahi dituzte oraindik hala egin ez dutenak, eta gogorarazten dute txertoa dela tresnarik eraginkorrena konplikazioak, ospitaleratzeak eta gripearekin lotutako heriotzak prebenitzeko. Aurreko urteetan bezala, gripearen aurkako txertoarekin batera, COVID-19aren aurkako txertoa ere eskaintzen zaio arriskuko populazioari.

Ospitale-eremuan 71 pertsona ospitaleratu dituzte gripeagatik, horietako 2 Zainketa Intentsiboetako Unitatean (ZIU) ospitaleratu behar izan dituzte, eta 51 COVID-19agatik, horietako 3 ZIUn.

 

 

 

Deia arriskuko populazioari eta haien senideei

Osasun Sailak eta Osakidetzak mezu berezi bat bidali nahi diete biztanle hauei: 60 urte edo gehiago dituztenei, gaixotasun kronikoak dituztenei (hala nola diabetesa, BGBK edo kardiopatiak), haurdun dauden emakumeei eta 6 hilabetetik 5 urtera bitarteko haurrei, konplikazio-arrisku handiagoa dutelako eta txertaketaren onura neurri handiagoan jasotzen dutelako. Txertaketa ez atzeratzea gomendatzen zaie, eta hitzorduarekin txertatzea beren osasun-zentroan edo, urriaren 19tik aurrera, lurralde bakoitzean gaitutako txertoguneetan.

Gripearen aurkako txertaketaz gain, populazio-talde jakin batzuei COVID-19aren aurkako txertoa jartzea gomendatzen zaie: 70 urte edo gehiagokoei, gaixotasun edo zaurgarritasun-egoera jakin batzuk dituztenei, haurdun daudenei, profesional sanitario eta soziosanitarioei, eta arriskuko pertsonen bizikideei eta zaintzaileei. Bi txertoak batera eman daitezke hala gomendatzen denean.

Txertoak jartzeak inguruan ditugunak ere babesten ditu. Hortaz, txertoa jartzea gomendatzen zaie pertsona zaurgarrien zaintzaileei eta bizikideei, haur-eskoletako langileei eta profesional sanitario eta soziosanitarioei. Horrela, beren osasuna, artatzen dituzten pertsonen osasuna eta sistema sanitarioak erantzuteko duen gaitasuna babesten dute arnas birusen zirkulazio handieneko hilabeteetan.

Umeen txertaketa

6 hilabetetik 5 urtera bitarteko haurrak dira txertaketaren lehentasunezko taldeetako bat, konplikazioak izan ditzaketelako eta familian eta eskolan birusa transmititzen lagun dezaketelako. Irailaren 28an hasi ziren txertoa jartzen, eta, urriaren 19tik aurrera, familiek, gainera, haien seme-alabak txertatu ahal izango dituzte, aurretiazko hitzordurik gabe, Araban, Bizkaian eta Gipuzkoan gaitutako txertoguneetako edozeinetan.

Nola eskatu txertoa jartzeko hitzordua?

Helburuko populazioko kideek beren hitzordua eska dezakete orain; gainerako biztanleek azaroaren 2tik aurrera eskatu ahal izango dute.

  • Helburuko populaziokoa bazara: eskatu hitzordua Osakidetzaren webgunearen bidez, edo zure osasun-zentrora edo 900 20 30 50 zenbakira deituta.
  • Helburuko populaziokoa ez bazara eta gripearen aurkako txertoa hartu nahi baduzu: azaroaren 2tik aurrera egin dezakezu web-orrian hitzordua eskatuta edo zure osasun-zentrora edo 900 20 30 50 zenbakira deituta.
  • Aurretiko hitzordurik gabe: urriaren 19tik azaroaren 1era, herritar guztiek txertoa jarri ahal izango dute txertoguneetan, aurretiko hitzordurik gabe.
  • 80 urte edo gehiago dituztenak: Osakidetza banan-banan ari zaie deitzen pertsona horiei, txertatzeko hitzordua emateko.

Txertoguneak: urriaren 19tik azaroaren 1era

Bi astetan zehar, herritarrek hitzordurik gabeko txertaketa-puntuak izango dituzte Araban, Bizkaian eta Gipuzkoan:

ARABAKO ESIa

  • Txertaketa-gunea: San Martingo Osasun Zentroa
  • Ordutegia: Astelehenetik ostiralera, 08:00etatik 20:00etara. Larunbatetan eta igandeetan, 09:00etatik 21:00etara.

BILBO-BASURTUKO ESIa

  • Txertaketa-gunea: Javier Saenz Buruaga Osasun Zentroa
  • Ordutegia: Astelehenetik igandera, 08:00etatik 20:00etara.

DONOSTIALDEKO ESIa

  • Txertaketa-gunea: Groseko Osasun Zentroa
  • Ordutegia: Astelehenetik igandera, 08:00etatik 20:00etara.

BARAKALDO-SESTAOKO ESIa

  • Txertaketa-gunea: San Eloy Ospitalea
  • Ordutegia: Astelehenetik ostiralera, 15:00etatik 20:00etara.

EZKERRALDE-ENKARTERRI-GURUTZETAKO ESIa

  • Txertaketa-gunea: Errepelegako anbulatorioa
  • Ordutegia: Astelehenetik ostiralera, 15:00etatik 20:00etara.

BARRUALDE–GALDAKAOKO ESIa

  • Txertaketa-gunea: Zornotzako Osasun Zentroa
  • Ordutegia: Astelehenetik ostiralera, 15:00etatik 20:00etara.

URIBEKO ESIa

  • Txertaketa-gunea: Mungiako Osasun Zentroa
  • Ordutegia: Astelehenetik ostiralera, 15:00etatik 20:00etara.

BIDASOKO ESIa

  • Txertaketa-gunea: Irungo Erdialdeko Anbulatorioa
  • Ordutegia: Astelehenetik ostiralera, 15:00etatik 20:00etara.

DEBABARRENEKO ESIa

  • Txertaketa-gunea: Torrekuako Osasun Zentroa (Eibar)
  • Ordutegia: Astelehenetik ostiralera, 15:00etatik 20:00etara.

DEBAGOIENEKO ESIa

  • Txertaketa-gunea: Arrasateko Osasun Zentroa
  • Ordutegia: Astelehenetik ostiralera, 15:00etatik 20:00etara.

TOLOSALDEKO ESIa

  • Txertaketa-gunea: Tolosako Osasun Zentroa
  • Ordutegia: Astelehenetik ostiralera, 15:00etatik 20:00etara.

GOIERRI-UROLA GARAIKO ESIa

  • Txertaketa-gunea: Beasaingo EAG
  • Ordutegia: Astelehenetik ostiralera, 15:00etatik 20:00etara.

ERRIOXAKO ESIa

  • Txertaketa-gunea: agendak indartzea ohiko zentroetan
  • Ordutegia: Astelehenetik ostiralera, 15:00etatik 20:00etara.

 

Txertoguneek 6 hilabetetik gorako haur guztiak artatuko dituzte, neskatoak eta mutikoak barne, eta ez da beharrezkoa hitzordurik eskatzea. Herritarrek bi aukera dituzte: txertoa jartzea, osasun-zentroan hitzordua hartuta, edo zuzenean puntu horietako edozeinetara joatea. Kasu bakoitzean, gomendatutako txertoa jartzen da: txerto indartua 75 urte edo gehiagoko pertsonei; sudurretik hartzekoa 24 eta 59 hilabete bitarteko haurrei eta arrisku-baldintzak dituzten 15 urtetik beherakoei; eta inaktibatua gainerako helburuko biztanleei. Gainera, txertoguneetan, COVID-19aren aurkako txertoa jartzen zaie hala egitea gomendatzen zaien pertsonei, eta, horrela, bisita berean bi txertoak jaso ditzakete.

Prebentzio-neurriak

Txertaketarekin batera, Osasun Sailak eta Osakidetzak neurri hauen garrantzia gogorarazi nahi dute: eskuen higienea zaintzea; espazio itxiak aireztatzea; lanera edo ikastetxera sintomekin ez joatea; eta, beharrezkoa denean, maskara erabiltzea beste pertsona batzuk babesteko eta gripearen, COVID-19aren eta beste arnas-birus batzuen transmisioa murrizteko. Ohitura erraz horiek, txertaketarekin batera, osasun prebentiboagoa lortzeko bidean aurrera egiten laguntzen dute, eta hori da Euskadiko Osasun Itunaren helburuetako bat.

 

Informazio gehiago Irekia atarian (Leiho berrian irekiko da)