Hiri eta Komunitate Lagunkoien Sareak bilera informatibo batera gonbidatu ditu Sareko kide diren udalerri eta komunitate guztiak. Saio honetan, Sareko kide guztientzat interes berezikoak diren hainbat berri partekatuko dira, adineko pertsonekiko ingurune lagunkoien garapenean aurrera egiteko helburuarekin.
Bilera otsailaren 12an (osteguna) izango da, 09:00etan (penintsulako ordutegia), Microsoft Teams bidez.
Zer aurkeztuko da saioan?
Topaketan bi ekimen garrantzitsu aurkeztuko dira:
-
Hiri eta Komunitate Lagunkoien 3. Mundu Kongresua: antolaketa, eduki nagusiak eta parte hartzeko aukerak azalduko dira.
-
SELA (Lagunkoitasunaren Tokiko Ebaluazio Sistema): Imsersok Sareko kideen eskura jarriko duen tresna berria, udalerri eta komunitateetan lagunkoitasuna ebaluatu, jarraitu eta etengabe hobetzeko prozesuak errazteko.
Sarearen ustez, saio hau aukera paregabea izango da ekimen horiek bertatik bertara ezagutzeko eta sor daitezkeen zalantzak argitzeko.
Nola parte hartu
Bilera Teams bidez egingo da. Ez da beharrezkoa aplikazioa instalatzea, estekaren bidez nabigatzailetik ere sar baitaiteke.
Bilera informatiboan parte hartzeko esteka:
Imserso – Informazio-saioa: Mundu Kongresua eta SELA (Teams)
Aldez aurretik eskerrak eman nahi dizkiegu parte hartu eta ekarpena egingo duten udalerri eta komunitate guztiei, adinekoen ongizatea ardatz duten ingurune inklusibo eta lagunkoien alde lanean jarraitzeagatik.