Segurtasun Sailak eta Metro Bilbaok lankidetza-hitzarmena sinatuko dute Metro Bilbaoren instalazioetan segurtasun integrala hobetzeko. Ertzaintzaren eta Metro Bilbaoren arteko lankidetza horrek Metro Bilbaoko eraikin, instalazio eta zerbitzuetan zaintza-, babes- eta segurtasun-maila hobea ziurtatzeko balioko du, bai eta funtsezko zerbitzu publiko horren jarraikortasuna bermatzeko ere.
Gobernu Kontseiluak onartutako akordioak zenbait jarduera-prozedura jasotzen ditu, koordinazioa honako alderdi hauetan optimizatzeko:
- Bideozaintzako kameren irudietarako sarbidea
- Salaketak online eta posta elektronikoz izapidetzea
- Datuak eta irudiak eskatzea
- Gorabeheren aurreko koordinazioa
- Lehergailuekin eta nuklearrekin, erradiologikoekin, biologikoekin eta kimikoekin izandako gorabeheren aurreko koordinazioa
Gaur onartutako hitzarmenak Jarraipen Batzorde bat izango du, egindako jardueren jarraipena, zaintza eta kontrola bermatzeko. Akordioak lau urteko indarraldia izango du, eta beste lau urtez luzatu ahal izango da, eta ez du inolako betebehar ekonomikorik sortuko bi erakundeen artean.
Informazio gehiago Irekia atarian (Leiho berrian irekiko da)