Gaur, 2026ko azaroaren 20an, IVAPeko zuzendariaren ebazpenak argitaratu dira. Ebazpen horien bidez, onartutako eta baztertutako pertsonen behin-behineko zerrendak, eta parte hartzeko baldintzak betetzen dituztela egiaztatzeko eskatzen zaien pertsonen zerrendak argitaratzeko agintzen da, honako hautaketa prozesuetan:
- Administrazioko Goi-mailako Kidegoa. Administrazioko Eskala.
- Administrazio Kudeaketako Kidegoko Administrazio Kudeaketako Eskala.
- Kidego Teknikoko Azpiegituretako Eskala.
- Fakultatiboen Goi-mailako Kidegoko Eraikuntza, Hirigintza eta Lurralde-antolamenduko Eskala .
- Kidego Teknikoko Eraikuntza, Hirigintza eta Lurralde-antolamenduko Eskala.
- Kidego Teknikoko Industriako Eskala.
- Fakultatiboen Goi-mailako Kidegoko Industriako Eskala.
- Fakultatiboen Goi-mailako Kidegoko Giza Baliabide eta Prestakuntzako Eskala.
- Fakultatiboen Goi-mailako Kidegoko Informazio Sistemetako Eskala.
- Fakultatiboen Goi-mailako Kidegoko Itsasontzietako Eskala.
- Fakultatiboen Goi-mailako Kidegoko Ekonomia eta Enpresako Eskala.
- Fakultatiboen Goi-mailako Kidegoko Eskala Juridikoa.
- Fakultatiboen Goi-mailako Kidegoko Estatistika eta Datu Analisietako Eskala.
- Fakultatiboen Goi-mailako Kidegoko Arreta Soziolaboraleko Eskala.
- Administrazioko Goi-mailako Kidegoko Administrazioko Eskalako emakumeen eta gizonen berdintasunaren arloko teknikaria.
Zerrenda horiek Enplegu Publikoaren Atarian kontsulta daitezke, honako helbide elektroniko honetan: https://www.euskadi.eus/web01-sedeope/eu/ac27aaUdaWar/convocatorias;AC27AASESSIONID=T186K53MCxJXWBCbvw-xmxvLEiSo6Iv07i26d0qBRVpzFKaV41s2!-1438181513!-154510078?R01HPortal=web01&R01HPage=sedeope&R01HLang=eu&locale=eu “Eskaerak eta hautaketa-prozesuen jarraipena” atalean.
10 egun balioduneko epea ezarri da, 2026ko azaroaren 23tik 2026ko abenduaren 4ra, biak barne, erreklamazioak aurkezteko eta eskabideetan egon daitezkeen akatsak zuzentzeko, bai eta eskatzen den dokumentazioa aurkezteko ere.
Sartzeko titulazioari buruzko dokumentazioa aurkezteko eskatzen zaien pertsonek jatorrizko dokumentazioa edo horren kopia autentikoa aurkeztu beharko dute, eta, oro har, IVAPen edozein egoitzatan aurkeztuko da presentzialki (Bilbon, Donostian edo Gasteizen). Hala ere, jatorrizko dokumentua elektronikoa bada edo kopia elektroniko autentikoa Egiaztatze Kode Seguruarekin (CSV), Erregistro Elektroniko Orokorrean aurkeztu ahal izango da.
Eskatzen den titulazio akademikoaren jatorrizko dokumentazioa aurkeztu behar dutenek hitzordua eskatu beharko dute esteka honen bidez: https://www.euskadi.eus/web01-citaivap/eu/aa14aUIWar/ivap/aa14aInit.jsp?lang=eu