Eusko Jaurlaritzako Gazteria eta Emantzipazio Zuzendaritzak, bitar- bask Eusko Bitartekaritza Elkartearekin lankidetzan, "Emantzipazioa Begiratzen. Euskadiko landa-eremuko gazteen baldintzei eta beharrei buruzko diagnostiko parte-hartzailea" (PDF, 7 MB) 
aurkeztu du.
Gazteen emantzipazioa bazterreko gaia izateari utzi eta funtsezko gaia bihurtu da gizarte-, lurralde- eta belaunaldi-garapeneko agendetan. Partaidetza-prozesu hau gazteekin batera proposamenak entzutera, ulertzera eta eraikitzera bideratutako tresna publiko gisa sortu da, batez ere landa-inguruneetan bizi direnekin. Helburu bikoitza du: batetik, Euskadiko gazteen emantzipazioaren egoerari buruzko diagnostiko kolektiboa sortzea, eta, bestetik, bizitza autonomo eta duina lortzeko beharrezkoak diren oztopoak, emozioak, proposamenak eta baldintzak identifikatzeko eztabaidarako gune bat aktibatzea.
