Eusko Jaurlaritzako Lan eta Gizarte Segurantzako sailburuorde Elena Pérezek eta Osalaneko zuzendari nagusi Lourdes Íscarrek beren ibilbide profesionalak partekatu zituzten, eta erabakiguneetan emakumeen lidergoak izan duen bilakaerari buruzko hausnarketa egin zuten. Biek nabarmendu zuten emakumeek funtsezko zeregina dutela prebentzio-politikak definitzeko eta abian jartzeko, bai eta gaur egun betetzen dituzten lanpostuetara iritsi arte beren karreretan zehar izan dituzten erronkak eta zailtasunak ere. Hizlariek azpimarratu zuten garrantzitsua dela berdintasun-politikak eremu guztietan txertatzea, laneko segurtasuna eta osasuna barne, lan-ingurune bidezkoagoak eta seguruagoak lortzeko.
Halaber, Euskadin garatutako hainbat esperientzia eta jardunbide egokiri balioa eman zieten, eta berdintasunari eta prebentzioari buruzko prestakuntza lehen hezkuntzatik unibertsitatera indartzeko beharra nabarmendu zuten, genero-ikuspegia adin txikitik gizartean txertatzeko. Azken mezu gisa, profesional gazteak animatu zituzten lidergoa hartzera eta Euskadin laneko segurtasunaren eta osasunaren etorkizuna eraikitzen aktiboki parte hartzera.
Elena Pérezek eta Lourdes Íscarrek Euskadiko prebentzioan emakumeen lidergoari buruzko elkarrizketa batean parte hartu dute, IMQ Prevención erakundeak antolatuta
Argitalpen-data:
Joan den ostiralean IMQ Prevención erakundeak antolatutako webinarrak ("Emakumeen lidergoa laneko segurtasun eta osasuneko politika publikoetan") estrategia instituzionalean, administrazioen arteko koordinazioan eta agenda publikoan laneko segurtasun eta osasunean jarri zuen arreta.
