Ehun enpresa inguruk parte hartu dute 2022tik Lanbidek Innobasquerekin lankidetzan sustatutako Lan Mentoring zerbitzuan. Zerbitzu horrek Euskadiko ETEetan adina eta belaunaldi-erreleboa kudeatzeko tresnak eta kasu praktikoak eskaintzen ditu
"Ondorengotza-prozesuek ez dute soilik joaten den pertsonarengan eta ordezkatzen duenarengan eragiten, baizik eta erakunde osoarengan"; "Belaunaldien arteko erreleboak familia-enpresetan duen arrakastak, neurri handi batean, trantsizio-espazioak eraikitzeko gaitasunean datza". Lan Mentoring-en 2025eko edizioko txostenean jasotzen diren ondorioetako bi baino ez dira. Bertan, Arabako, Gipuzkoako eta Bizkaiko 11 ETEk hartu dute parte, belaunaldien arteko erreleboari arrakastaz ekiteko moduaz kezkatuta, batez ere negozioaren jarraipenerako kritikoak diren postuetan.
Eguneroko seinale txikiak
ETE askotan, ezagutzaren erreleboa eta kudeaketa ez dira proiektu zehatz gisa agertzen, eguneroko seinale txiki gisa baizik: beti pertsona berberek egiten dituzten lanak, argi azaltzen ez diren erabakiak edo norbaitek urteak daramatzalako modu jakin batean egiten funtzionatzen duten ezagutza horiek.
Lan Mentoring 2025 txostenean, noizbait gelditzea, perspektiba gehiagorekin begiratzea eta egoera horiek kontzienteki lantzea erabaki zuten enpresen benetako kasuak jasotzen dira. Esperientziak erakusten duenez, enpresetan adina arrakastaz kudeatzeko, planifikatu eta aurrea hartu behar dugu.