IVAPen web-orrian, Enplegu Publikoaren atalean, "Gai-zerrendak" izeneko gune berri bat jarri da eskuragarri.
Web-orri horretan eskuragarri jartzen diren gai-zerrendak EAEko Administrazio Orokorrak deitzen dituen hautaketa-prozesuetako gai-zerrenden erreferentzia izango dira. Honen helburua, izangaiei edukien esparru egonkor bat eskaintzea da, hautaketa-prozesua prestatzea erraztu eta etorkizuneko deialdietako gardentasun eta aurreikusgarritasun handiagoa bermatuz.
Gai-zerrenda hauek berrikusi eta eguneratu egingo dira, araudi eta irizpide teknikoen aldetik egokiak direla ziurtatzeko.
Ezaugarri nagusiak:
- Argitaratutako gai-zerrendak erreferentziazkoak dira, ez dira juridikoki lotesleak.
Aldian-aldian berrikusi eta eguneratuko dira, araudi eta irizpide teknikoen aldetik egokiak direla bermatzeko.
Garrantzitsua:
- Hautaketa-prozesu bakoitzean balio juridikoa duen gai-zerrenda bakarra dagokion deialdiaren oinarrietan berariaz agertzen dena izango da, izan ditzakeen eguneratzeak edo aldaketak barne.
Informazio gehigarria:
- Gaur egun, kategoria eta eskala desberdinei dagozkien edukien lanketa eta berrikusketak gauzatzen ari dira. Datozen egunetan, behar diren lan teknikoak egin ahala, gai-zerrenda berriak sartuko dira gune horretan.
Gai-zerrenda horiek argitaratzeak ez du esan nahi berehala hautaketa-prozesuak deituko direnik eskala eta kategoria guztietarako. Helburua erreferentzia-esparru egonkor bat eskaintzea da, deialdien egutegi zehatza edozein dela ere.