Deustuko Enplegu eta Ekintzailetza Foroa otsailaren 25ean eta 26an egingo da, Bilboko campusean

Otsailaren 25ean eta 26an, Deustuko Enplegu eta Ekintzailetza Foroa egingo da Deustuko Unibertsitateko Bilboko campusean. Graduko edo graduondoko ikasketak dituzten pertsonei zuzenduta dago, unibertsitatekoak izan zein kanpokoak.

Bi jardunaldietan informazio-standak egongo dira, eta Lanbidek ere parte hartuko du; orientatzaile profesionalek eta EURESeko kideek artatutako standa izango dute bertan.

Jendeari harrera egiteko ordutegia honako hau izango da:

• Otsailak 25, asteazkena: 10:30etik 14:30era.
• Otsailak 26, osteguna: 09:30etik 14:30era.

Horrez gain, Lanbidek Escape Room bat antolatuko du Foroaren barruan. Jarduera 11:00etatik 14:00etara izango da Mendeurrena Eraikineko 027 gelan, eta beharrezkoa da aldez aurretik izena ematea esteka honetan: Escape Room – Deustuko Foroa .

.