Desgaitasuna duten pertsona guztientzako Justiziarako Sarbide Planaren barruan sartzen den ekintza bat da, desgaitasuna duten pertsonen parte-hartze eraginkorra bermatzeko edozein prozedura-motatan eta haren etapa guztietan.
FEVAS Plena Inclusión Euskadi Eusko Jaurlaritzarekin lankidetzan ari da figura hori definitzeko eta ezartzeko, eta aurrerapen handia da justizia irisgarriagoa eta oztoporik gabea lortzeko bidean.
Izan ere, APNABI, autismoa duten pertsonen eta familien Bizkaiko elkartea, FEVASeko kide den erakundea, bere talde profesionala prestatzen hasi da. Helburua da prest egotea herritarrei laguntzeko, baliabide hori eskuragarri dagoenean.
Bideratzaile prozesalaren eginkizuna hizkuntza teknikoa sinplifikatzea, galderak egituratzea eta egokitzea, adierazpenen erritmoa doitzea, prozesuaren urrats bakoitzari aurrea hartzea edo aretoen karga sentsoriala murriztea izango da. Horrela, desgaitasuna duten pertsonen parte-hartzea bermatuko da, baldintza berdinetan eta oztoporik gabe.