Deialdi honen xedea da laguntzak norgehiagoka bidez eta itzuli beharrik gabe ematea, ikus-entzunezko proiektuak eta gidoien idazketa gauzatzen eta ekoizten laguntzeko 2026ko ekitaldirako.

Laguntza modalitateak

Hona hemen laguntza modalitateak:

1. Zinemako, plataforma digitaletako eta telebistako proiektuak gauzatzekolaguntzak.

2. Ikus-entzunezko lanen ekoizpenaren kategoria hauetarako laguntzak:

a) Film luzeak eta sorkuntza-dokumentalak ekoizteko laguntzak.

b) Film laburrak ekoizteko laguntzak.

c) Telesailak ekoizteko laguntzak.

3. Gidoiak idazteko laguntzak.

Aurrekontu partidak eta gehieneko zenbateko osoa

Deialdi honen bidez araututako dirulaguntzak ordaintzeko, Arabako Foru Aldundiaren 2026ko gastu aurrekontuaren 15101. G/433152/77000169 partida erabiliko da, 150.000,00 euroko zenbatekoaz 2026ko ekitaldirako, 100.000,00 euroko konpromiso kredituaz 2027ko ekitaldirako eta 100.000,00 euroko konpromiso kredituaz 2028ko ekitaldirako.

Kopuru osoa 2. artikuluan ezarritako modalitateen artean banatuko da, honela:

Zinemako, plataforma digitaletako eta telebistako proiektuak gauzatzeko laguntzak: 100.000,00 euro.

Film luzeak eta sorkuntza-dokumentalak ekoizteko laguntzak: 60.000,00 euro.

Film laburrak ekoizteko laguntzak: 120.000,00 euro.

Telesailak ekoizteko laguntzak: 30.000,00 euro.

Gidoiak idazteko laguntzak: 40.000,00 euro.