HERMES aldizkariak Ongizate, Gazteria eta Erronka Demografikoko sailburuari egindako elkarrizketan Nerea Melgosak azpimarratu duenez, Euskadik beti lan egin du kohesioa eta bizikidetza euskaratik ere izan daitezen. "Musulmana bezalako komunitatean neska-mutil ugarik oso ondo hitz egiten dute euskaraz. Erronka integrazioan dago eta horretarako tresnarik onena komunitatea da "azaldu du Nerea Melgosak.
Ongizate, Gazteria eta Erronka Demografikoko sailburuaren hitzetan, Euskadin sartzen diren pertsonen % 94k turista-bisatuarekin egiten dute, eta lan egin nahi dute. Nerea Melgosak gaineratu duenez, Euskadik bere nortasun propioa du, eta pertsona migratzaileak datozenean, aspalditik egiten den eraikuntza kolektibo horren nortasunagatik eta segurtasunagatik ere bada.
Estatuko araudiari dagokionez, Melgosa sailburuak egungo Atzerritartasun Legea aldatzeko eskatu du. "Etorkinen aurkako zurrumurrurik ez egoteko politikarik onena Atzerritartasun Legea aldatzea da. Lege honek ez dauka nondik heldu. Lege hau aldatuko bagenu, prestakuntzari edo gizarteratze eta laneratzeari dagokionez azkartasun handiagoa izango genuke, beraz zurrumurru gutxiago egongo lirateke, lan-jarraipen horretan lanean ari diren pertsona guztiak izango genituzkeelako. Pertsona horiek haien bizitza indibidualari zein bizitza kolektiboari ekarpenak egiten dizkiete, baita zergak ordainduz ere", azaldu du Melgosak.
* Elkarrizketa osoa atxikitutako PDFan dago.
Informazio gehiago Irekia atarian (Leiho berrian irekiko da)