Eusko Jaurlaritzako Justiziako sailburuordeak bihar, ekainak 20, ostirala, 12:00etan, Hilotz proiektuaren jendaurreko aurkezpenean parte hartuko du. Proiektu hori txakur-unitateak hondamendi-egoeretan hilotzak goiz detektatzeko entrenatzeko espezifikoki diseinatutako beita berritzailea da.
Nora Unceta UPV/EHUko Auzitegi Analisiko Masterreko zuzendariak ere parte hartuko du prentsaurrekoan. Deialdia Barakaldo Elkartegian egingo da (Fanderia kalea, z.g., Barakaldo, Bizkaia), Ertzaintzako txakur-unitateen erakustaldi praktiko bat barne hartuko duen jardunaldi baten barruan.
AMEI – Auzitegiko Medikuntzako Euskal Institutuaren (Justizia Sailaren mendeko organoa da), eta UPV/EHU – Euskal Herriko Unibertsitateko Auziker spin-off teknologikoaren arteko lankidetzari esker bultzatu da Hilotz, eta auzitegiko medikuen eta UPV/EHUren arteko lankidetza-lanaren emaitza izan da.
AMEI funtsezkoa izan da beita garatzeko, ezinbesteko osagaia ekarri baitu: giza gorpu errealaren aroma, etikoki errespetuzkoak diren prozeduren bidez lortua. Aroma hori funtsezkoa da hondamendien edo desagertzeen egoeretan giza gorpuzkiak bilatzen espezializatutako txakurrak efikaziaz entrenatzeko, horietan usaina baita jarraitu beharreko pista nagusia.
Informazio gehiago Irekia atarian (Leiho berrian irekiko da)