- Obrak Batan ibaiaren eskuinaldean gauzatu dira, Salvatierrabide eta Zumabide kaleen artean, iraganean fabrika bat zegoen lekuan, hain zuzen ere.
- Lehengoratze lanak gauzatzen ari zirenean Aretxabaleta eta Gasteiz mugatzen zituen harrizko mugarri bat aurkitu dute, oinezkoentzat egokituko den pasalekuan birkokatuko da.
Uraren Euskal Agentziak (URAk) eta Gasteizko Udalak Batan ibaiaren eskuinaldean lehengoratze lanak gauzatu dituzte, Salvatierrabide eta Zumabide kaleen artean. Obrak azken bi asteetan gauzatu dira, eta 18.150 euroko aurrekontua izan dute.
Lan horietan, gainera, Aretxabaleta herriaren eta Gasteizko udalerriaren arteko muga zehazten zuen harrizko mugarri bat aurkitu dute. Harrizko elementua kontserbatuko da, oinezkoentzat egingo den pasaleku berrian ezartzeko.
Iraganean eraikitako fabrikaren adreiluzko arkuak kontserbatu dira; arku horien gainean zeuden hormatxoak, ordea, eraitsi dira. URAk hormatxo horiek behera bota ditu eta inguruan zeuden hondakinak bildu ditu. Gasteizko Udalak, berriz, hondakindegia kudeatu du, eta inguruan sortu diren hiri-hondakin solidoak garbitu ditu.
Azkenik, URAk lursaila egokitu du Udalak Batan Ibaiaren parean oinezkoentzat pasaleku berri bat egiteko.
Proiektu honek Eskualde Garapeneko Europako Funtsaren (EGEF 2021-2027) finantzaketa du.
Informazio gehiago Irekia atarian (Leiho berrian irekiko da)