- Prezipitaziorik espero ez bada ere, barnealdean izotza egitea ez da baztertzen, batez ere Araban
Euskalmet Euskal Meteorologia Agentziak eguraldi egonkorra eta prezipitaziorik gabea iragarri du Urtezahar gauerako eta Urteberri egunerako, baina baliteke barnealdean izotza egitea, batez ere Araban. Hala ere, egonkortasunak Arabako hegoaldean lainoak sortzea ere erraztuko du, gaueko hoztea arindu baitezakete.
Urtezahar gaua
Urtezahar eguna hodei baxu ugarirekin hasiko da, eta murriztu egingo da eguerditik aurrera. Iparraldeko haizeak gogor joko du goizeko lehen orduetan, baina arratsalde-gau partean indarra galtzen joango da, ahul eta aldakor bihurtu arte, hegoaldeko haize apur batekin. Tenperatura maximoak, oro har, 10 ºC-tik beherakoak izango dira, eta minimoak azken orduetan erregistratuko dira, 0 eta 5 ºC artekoak. Beraz, gauerdia baino lehen has daiteke izozten.
Urte Berria
Urteberri egunean lanbroa eta lainoa sor daitezke goizaldean eta goizeko lehen orduetan, eta ez da baztertzen Arabako zenbait tokitan lanbroak iraunkorrak izatea. Barnealdean lainorik sortzen ez den lekuetan giroa hotza izango da, eta izotza egin dezake. Eguerdi partean giroa argitsua izango da, hodei batzuk tartekatuko dira, baina ostarte zabalak izango dira. Era berean, hegoaldeko haizeak joko du, eta indartu egingo da eguerditik aurrera. Tenperatura maximoak ez dira ia aldatuko isurialde mediterraneoan: 7-8 ºC ingurukoak izango dira, eta Kantauri isurialdean 12-14 ºC-koak.
Iragarpenen eguneratzeak Euskalmeten bidez (http://www.euskalmet.euskadi.eus) eta X sare sozialaren bidez (@Euskalmet) jarraitzea gomendatzen da.
Informazio gehiago Irekia atarian (Leiho berrian irekiko da)