EAE-ko enpresa-sektoreari finantza-babesa emateko muga-zergekin lotutako nazioarteko egoera berriak eragindako inpaktu ekonomikoari erantzuten dion Programa.

Xedea:

Enpresa txiki eta ertainentzako, hautagarri diren enpresa handientzako, banakako enpresaburuentzako eta profesional autonomoentzako finantzaketa-lerroa eratzea, hura eskuratzeko baldintzak eta prozedura arautuz. Lerro honen helburua izango da banku-finantzaketa eskuratzeko aukera ematea, AEBekin merkataritza-harreman handiena duten eta muga-zergen kargak ezartzearen ondorioak jasan ditzaketen jarduera-sektoreetako enpresen likidezia-beharrei erantzuteko.

Enpresa eta pertsona onuradunak:

Egoitza Euskal Autonomia Erkidegoan duten enpresa txiki eta ertainak (ETE), banakako enpresaburu eta profesional autonomoek eta enpresa handi hautagarriek programa honen Elkargirekiko hitzarmenaren I. eranskinean zerrendatutako EJSNren batean sartuta dagoenak.

Finantza daitezkeen egoerak:

Finantza-eragiketek, finantzatzeko modukoak izateko, xede hau izan behar dute: pertsona edo enpresa onuradunaren likidezia-premiei erantzutea. Finantzaketak pertsona edo enpresa eskatzailearen finantza-galdagarriaren gehikuntza garbia ekarri beharko du, eta, beraz, ezin izango da erabili epe laburreko zirkulatzaile-lerroak ezerezteko edo ordezteko, ez eta epe luzeko finantzaketak aldez aurretik ezerezteko ere.

Maileguen ezaugarriak:

Zenbatekoa:

-100.000 € eta 1.500.000 € artean, enpresa txiki eta ertainentzat eta enpresa handi hautagarrientzat.

-30.000 € eta 120.000 € artean, banakako enpresaburuentzat eta profesional autonomoentzat

Baldintzak:

Tresna: Mailegu amortizagarria.

Gehieneko interes-tasak: Sei hilabeterako euriborra, gehi % 0,75 gehieneko diferentziala.

Mailegu-eragiketen epeak. Bost urte gehienez, eta aukerako bi gabealdi gehienez.

Likidazio-aldizkakotasuna: hiru hilean behin egingo da interes- eta amortizazio-kuoten likidazioa. Interes-tipoa sei hilean behin berrikusiko da.

Komisioak: maileguek ez dute inolako komisio edo gastu gehigarririk izango finantza erakundeari emateko. Mailegu-hartzaileak aurretiaz ezereztu edo amortizatu ahal izango du mailegua, inolako kosturik gabe.

Abalen ezaugarriak:

Formalizazio-komisioa eta azterketa-komisioa: Formalizatutako abalaren % 0,5, eta behin bakarrik, eragiketa formalizatzen den unean.

Abalaren komisioa: % 0,75 urtean

Epea

Eskabideak: 2025eko ekainaren 27tik abenduaren 31ra arte

Formalizazioak: 2026ko martxoaren 31ra arte

Eskaerak eta informazioa:

Eskabideak https://www.elkargionline.com/ webgunearen bidez egingo dira.

Enpresentzako laguntza eta zerbitzuen katalogoa, 2025erako.

ETEko laguntzen katalogo digitala

Informazio gehiagorako araudia kontsultatu:

Dokumentazioari edo abala eskatzeari buruzko informazioa:

Arabako bulegoa	945 23 12 12	clientes@elkargi.es
Bizkaiko bulegoa	944 23 82 28	clientes@elkargi.es
Gipuzkoako bulegoa	943 30 90 60	clientes@elkargi.es
Nafarroako bulegoa	948 22 70 22	clientes@elkargi.es