Feminismoaren historia eta emakumeen ekarpenak lehen lerroan jartzea inoiz baino garrantzitsuagoa da. Horretarako, tresna paregabe bat duzu eskura: Denbora Lerro Feminista. Plataforma interaktibo honek emakumeen borroka, lorpen eta ekarpen historikoak denboran kokatzeko aukera ematen du, ikuspegi berdinzale eta inklusibo batetik.
Zer da “Denbora Lerro Feminista”?
Denbora Lerro Feminista aplikazio digitala da, eta historian zehar emakumeek egindako lan eta ekintza garrantzitsuenak modu argi eta erakargarrian aurkezten ditu. Bertan, mugimendu feministaren bilakaera eta emakumeek hainbat arlotan –politikan, zientzian, artean, literaturan eta beste askotan– izandako eragina nabarmentzen dira.
Aplikazio honek joko interaktiboen bidez emakumeek historian zehar egindako ekarpenak ezagutzeko aukera eskaintzeaz gain, eskuragarri dauden unitate didaktikoek irakasle, guraso eta hezitzaileentzako tresna aparta bihurtzen dute, historia modu erraz eta atseginean irakasteko.
Unitate didaktikoen edukiak:
- Etapa historikoen arteko ibilbidea, historiaurretik aro garaikideraino.
- Emakumeek hainbat arlotan egindako ekarpenak ezagutzeko gida.
- Haurrentzako eta gazteentzako prestatutako dokumentuak, historia modu erakargarrian eta ulerterrazean irakasteko.
Etxeko txikienekin lantzeko aukera
Zure inguruko gaztetxoekin historia feminista lantzea hezigarria eta dibertigarria izan daiteke. Jokatu Denbora Lerro Feministan edo deskargatu unitate didaktikoak, eta hasi historia feminista ezagutzen. ��
Emakumeen historia ezagutzea eta baloratzea guztion ardura da.
