- Itxiera 12:00etan hasi da eta 7.500 kilotik gorako kamioiei eragiten die
Frantziako agintariek Eusko Jaurlaritzari jakinarazi diotenez, astelehen honetan, 12:00etan, Biriatuko ordainlekua itxi dute Iparralderako noranzkoan 7.500 kilotik gorako kamioietzat, Frantziako nekazariek deitutako protestak direla eta.
Eusko Jaurlaritzak, ebazpen baten bitartez, Euskadiko errepideetan 7.500 kilotik gorako garraioentzako mugaz gaindiko trafikoa mugatu du.
Bidegiko langileek eta Ertzaintzaren Gipuzkoako Trafikoko Lurralde Unitateko agenteek zaindu eta segurtasun-neurriak hartuko dituzte, egoera honek mugaren alde honetan zirkulazioari ahalik eta kalte gutxien eragiteko. Era berean, Eusko Jaurlaritzak informazioa emango du mezularitza aldakorreko panelen, www.trafikoa.euskadi.eus web-orriaren, @trafikoaEJGV X kontuaren eta 011 telefono-zenbakiaren bidez (24 orduz erabilgarri dagoena).
Informazio gehiago Irekia atarian (Leiho berrian irekiko da)