- Iraupen luzeko langabezia 1.341 pertsonatan murriztu zen iazko datuekin alderatuta (- % 2,50), eta iraupen laburrekoa 422 pertsonatan (- % 0,80)
- Maiatzean sinatutako kontratuen % 21,7 mugagabeak izan dira, eta ‘etxeko jarduerak’ (kontratazioen % 77 mugagabeak), eraikuntza (% 66,6), erauzketa-industriak (% 63,6) eta ostalaritza (% 32) izan dira nagusitu diren sektoreak
Apirilean baino 2.152 langabe gutxiagorekin amaitu zen maiatza (- % 2,01). Hori hala, enpleguaren bilakaera positiboa berretsi da beste behin, hilabete hori ondoz ondoko zortzigarrena izan baita urte arteko saldo negatiboarekin, 104.659 langabetu erregistratuz; alegia, 2013ko martxoko maximo historikoan baino 74.682 pertsona gutxiago.
Adin tarteen arabera, urte arteko bilakaeran, langabeziak behera egin du tarte guztietan. Langabeen kopuruan beherakada handiena 35-44 urtekoetan izan da (-979; - % 4,54), eta ondoren 45-54 urtekoetan (-949; - % 3,62). 55 urtetik gorakoen kasuan, jaitsiera - % 0,10ekoa izan da.
Hileko saldoan jaitsierarik handienak 25-34 urtekoetan (- % 3,95) eta 35-44 urtekoetan (- % 3,31) izan dira.
Sexuaren arabera, urteko portaera, balio absolututan, antzekoa da gizonen artean (-880; - % 1,95) eta emakumeen artean (-883; - % 1,44). Hala ere, hileko konparazioaren ehunekoetan, langabezia gehiago jaitsi da gizonen artean (-975; - % 2,16) emakumeen artean baino (-1.177; - % 1,91).
Sektoreka, balio absolutuetan, jaitsierarik handiena zerbitzuen sektorean izan da, bai hileko saldoan (-1.939; - % 2,59), bai urte artekoan (-1.328; - % 1,79). Eraikuntzak izan du beherakada erlatiborik handiena, bai hilekoan (-161; - % 2,85), bai urtekoan (-551; -% 9,14).
Sektore guztietan jaitsi da langabezian dauden pertsonen kopurua, aurreko enplegurik gabekoen taldean izan ezik, eta hori biztanleria Euskal Enplegu Zerbitzu Publikora gehiago hurbiltzearen ondorio izan daiteke. Bestalde, iraupen luzeko langabezian 1.341 pertsona gutxiago daude (- % 2,50) urteko konparazioan, eta iraupen laburreko langabezian 422 pertsona gutxiago (- % 0,80).
Kontratuak eta Gizarte Segurantza
Kontratazioari dagokionez, maiatzean 61.766 kontratu erregistratu dira (+ % 26,7 aurreko hilaren aldean), eta horietatik 13.390 (% 21,7) mugagabeak izan dira. Apirilarekin alderatuta kontratuak berreskuratu diren arren, kontratu mugagabeen proportzioa 2.3 puntu portzentual jaitsi da. Jaitsiera 1.7 puntu portzentualekoa da 2024ko maiatzaren aldean. Esan dezakegu kontratazioa berreskuratzearekin batera ez dela kalitatea handitu.
‘Etxeko jarduerak’ (kontratazioen % 77 mugagabeak), eraikuntza-arloak (% 66,6) eta erauzketa-industriak (% 63,6) dira kontratazio mugagabearen buru. Bestalde, nabarmentzekoa da ostalaritzaren sektoreak portaera ona izan duela; izan ere, kontratazio bolumenean beherakada egon den arren, sinatutako kontratuen % 32 mugagabeak izan dira.
Euskadik Gizarte Segurantzako afiliazio marka historiko berria ezarri du, 4.309 kotizatzaile irabazi baititu maiatzean, aurreko hilaren aldean, % 0,42 gehiago; beraz, guztira 1.029.149 afiliatu daude. Urte arteko datuak kontuan hartuta, Euskal Autonomia Erkidegoan 9.936 afiliatu daude 2024ko maiatzarekin alderatuta, hau da, % 0,97 gehiago.
Ondorioz, langabeziaren bilakaera positiboa da, zortzigarren hilabetez jarraian, langabeziak behera egiteko joera finkatu baita. Euskadin talentuaren beharra gero eta handiagoa den une honetan, Ekonomia, Lan eta Enplegu Sailaren eta Lanbide – Euskal Enplegu Zerbitzu Publikoaren kezka areagotzen ari da, lan merkatuan sartzea lortzen ez duten pertsonei kalitatezko enplegu aukerak eskaintzeko. Euskadik ezin da inor alde batera utzi. Gure ustez, Enpleguari buruzko Legearen hedapena eta artikulatzen dituen tresnen multzoa –horien artean azpimarratzekoa da Lanbide – Euskal Enplegu Zerbitzu Publikoa zuzenbide pribatuko erakunde publiko bihurtzea, ekainaren 1ean egikaritua– palankak dira, pertsonei eta enpresei arreta pertsonalizatua emateko eredu berri batetik abiatuta, lortu nahi dugun enplegu osoaren helburua lortzea ahalbidetuko dutenak.
Informazio gehiago Irekia atarian (Leiho berrian irekiko da)