Deialdi honen helburua erakusketa-proiektuak hautatzea da, Romoko eta Villamonteko Kultur Etxeetako erakusketa aretoetan eta Algortako Udal Merkatuko erakusketa-gunean ikusgai jartzeko.

Ekimen honen bidez, Getxo Kulturak ikusizko arteetako artisten lana hurbildu nahi die herritarrei, eta, horrez gain, artistei beren lanak erakusteko behar dituzten baliabideak eman nahi dizkie. Baliabide horiek bi motatakoak dira: espazialak, erakusteko areto eta espazio egokiak behar baitituzte, eta ekonomikoak, erakusketak berak eta herritar interesdunekiko bitartekaritza-prozesuak sortutako gastuak ordaindu ahal izateko.

Jasotako eskaeren artean, zenbait proposamen hautatuko dira, Getxo Kulturak 2026. eta 2027. urteetarako aurreikusitako programazio-aukeren eta erakusketen arabera.

Hautaketa batzorde batek egingo du, langile publiko gaituek eta ikusizko arte plastikoetan adituak diren eta udalerriko errealitate artistikoa ezagutzen duten pertsona akreditatuek osatua.

Aurreikusita dago hautatutako proposamenak 2026ko uztailetik 2027ko martxora bitartean erakustea, Getxo Kulturaren programaziorako kontratazioaren bidez.

• Oinarriak
• Eskabide-orria
• Eranskinak
• Erakustaretoen planoak