Badator Mareak Jaialdia, tradizioa eta abangoardia batzen dituen Bermeoko hitzordu kulturala
- Urriaren 13tik 18ra, zazpi jarduera izango dira Bermeon —horietatik bost doakoak—, musika, artea, hitza eta ondarea uztartuz
Bermeo kulturaren marean murgilduko da berriro urriaren 13tik 18ra, Mareak Jaialdiaren edizio berri batekin. Jaialdiaren 11. edizioa da aurtengoa, eta zalantzarik barik, Bermeoko kultur egutegiko ezinbesteko hitzorduan bihurtu da.
MB2000 elkarteak, Bermeoko Udalak eta Bizkaiko Foru Aldundiak antolatuta, jaialdiak sei egunetan zazpi ekitaldi eskainiko ditu, publiko desberdinentzat eta gehienak doakoak. Ordaindu beharreko ekitaldi bakarrak barikuan eta zapatuan Bermeoko Kafe Antzokian (8 €) eskainiko diren kontzertuak izango dira.