Henrike Knörr sarien xedea izango da euskararen erabilera (Arabako Lurralde Historikoan, lurralde osoan nahiz eskualde edo eremu batean) ikergai duten ikerketa-lanak sustatzea. Horretarako, master-amaierako lanen proiektuak lehenetsiko dira, baina bestelako ikerketa-lan monografikoen proiektuak ere onartuko dira, eta are gradu amaierako lanen proiektuak ere, geroko tesiak bultzatzeko helburuarekin, horien ikergai nagusia euskararen erabilera bada, nahi den jakintza-alorretik ikertua.

Onuradunak

Sariak lortzeko, beharrezkoa da:

a) Oinarriak ALHAOn argitaratzen diren egunean Europar Batasuneko estatu kideren bateko nazionalitatea edo bizilekua izatea, edo Europako Esparru Ekonomikoari buruzko Akordioa sinatu duen estaturen batekoa.

b) Aurreko oinarrian adierazitako gaiekin lotutako master amaierako lanen, ikerketa-lan monografikoen edo gradu amaierako lanen proiektua egiten ari den pertsona fisikoa izatea. Nolanahi ere, unibertsitate-irakasle doktore batek bermatu behar du proiektua.

Zuzkidura ekonomikoa

2025eko deialdian bi lan edo proiektu aukeratuko dira, eta bakoitzari 2.000,00 euroko zenbatekoa esleituko zaio.