(Ezkerretik eskuinera, Alejandro Rodriguez. Fundación Japón Madrilgo arte eta kultura koordinatzaile burua; Yasutaka Takeda. Fundación Japón Madrilgo zuzendaria; Tereza de Arruda, komisarioa; Chiharu Shiota, artista; Gonzalo Olabarria, Bilboko Udaleko Kultura eta Gobernantza zinegotzia; eta Sandra Riki?, Voloteako Komunikazio zuzendaria)

• Arte garaikidearen erreferentzia den artista honen Euskadiko lehen erakusketa monografikoa da

• Kolore gorriak eta eskala monumentalak Atrioa eta Erakusketa Aretoa lotzen dituzte, hasieratik inoiz erakutsi ez diren instalazioetaraino doan ibilbidean

• Azkuna Zentroa – Alhondiga Bilbaorentzat esklusiban, Chiharu Shiotak artelan kolaboratiboa garatu du, zeinean hiritarrek haien etxeen esentzia artistarekin partekatu duten gutunen eta marrazkien bidez

• Erakusketa gaur arratsaldean inauguratuko da, Chiharu Shiota artistaren eta Tereza de Arruda erakusketaren komisarioaren arteko elkarrizketa batekin

Azkuna Zentroa - Alhóndiga Bilbaok, Bilboko Udalaren Gizarte eta Kultura Garaikidearen Zentroak, Chiharu Shiota artista japoniarraren My House is your House erakusketa aurkezten du. Maiatzaren 27tik aurrera ikusgai izango da.

Gonzalo Olabarria Bilboko Udaleko Kultura eta Gobernantza zinegotziak, Chiharu Shiota artistak eta Tereza de Arruda erakusketaren komisarioak aurkeztu dute gaur erakusketa, 2025eko irailaren 28ra arte zabalik egongo dena.

Artistaren lehen erakusketa monografikoa da Euskadin. Artilezko hariekin egindako instalazio monumentalengatik da ezaguna, eta bere egiturek mundu poetiko eta onirikoan murgiltzera gonbidatzen dute. Chiharu Shiotak eguneroko bizitzako elementuetatik abiatuta ulertzen du bere obra, hala nola, oroitzapenak eta aurkitutako edo erabiltzen ez diren objektuak..

Tereza de Arruda artearen historialariak komisariatutako erakusketan kolore gorriak eta eskala monumentalak Azkuna Zentroko Kulturen Ataria eta Erakusketa Aretoa lotzen dituzte, hasieratik inoiz erakutsi ez diren azken instalazioetaraino. Erakusketa honetarako Chiharu Shiotak etxea kontzeptua landu du, etxeko esparrua espazio publikora zabalduz, Bilboko Alondegiaren arkitekturarekin elkarrizketan. Emaitzak, site-specific gisa, bisitaria bere oroitzapenekin konektatzen duten etxeko giro desberdinak esperimentatzera gonbidatzen du publikoa, eguneroko bizitzako elementuetatik abiatuta.

Jarraitu irakurtzen