Oinarri hauen helburua da 2025ean Eskoriatzan egingo diren kultur programak eta jarduerak antolatzeko norgehiagoka erregimenean emango diren dirulaguntzak arautzea.

Programa edota jarduera horiek Udaleko Kultura arloko helburuekin bat etorri beharko dira, hain zuzen ere, honako hauekin:

Herriko kultur egiturari laguntza eman, zabaldu eta sustatu.

Herritar orori zuzendutako sorkuntzara, ekoizpenera eta kultur hedapenera bideratutako programa eta jarduerak babestea, zabaltzea eta sustatzea.

Gazteen parte hartzea babestu, zabaldu eta sustatzea gazteentzako jarduerak antolatuz.

Euskal historiaren eta kulturaren –bereziki, Eskoriatzakoarenak– balore propioak transmititzeko programak edota jarduerak babestu, zabaldu eta sustatzea.

Euskaraz edo euskararen erabilera sustatzeko egindako programak edota jarduerak babestu, zabaldu eta sustatzea.