"Magiaren Topaketak" programak Otxarkoagara eta Txurdinagara eramango du magia
- Otxarkoagako Udaltegian eta Txurdinagako Garai Lorategiak plazan, tokiko eszenan sortzen ari diren magorik adierazgarrienen eta ibilbide handiko beste batzuen emanaldiak izango dira
- Aurten euskarazko ikuskizunek gora egin dute -lau izango dira- eta beste bi elebidunak dira, artista gazteek euskarazko sorkuntzaren alde egindako apustuari esker
- Magiaren topaketa hau maiatzaren 2tik 31ra ospatuko da
Bilboko Udalak "Magiaren Topaketak" magia-topaketen 21. edizioa jarriko du abian datorren ostiralean, maiatzak 2. Topaketak adin guztietako pertsonei zuzenduriko programazio anitza aurkezten du, bere izendatzaile komuna magia delarik, bere forma guztietan.
Aurten dozena bat artistak parte hartuko dute eta haien gaztetasuna azpimarratzekoa da. Hiruk ibilbide profesional handia dute (Imanol Ituiño, Tor magoa eta Txoborro magoa), beste hainbeste edizio honetan estreinatuko dira (Peio Rivas, María Arandia eta Alain Zulaika) eta azken talde honetako bi urteetan jaialdi honen barruan antolatu den lehiaketa amateurretik datoz (Peio eta María). Horietatik lau Bilbokoak eta Bizkaikoak dira, beste bost Euskal Herrikoak eta beste hiru Galizia, Katalunia eta Valentziako Erkidegokoak.
"Magiaren Topaketak" maiatzaren 31ra arte ospatuko da ohiko egoitzetan, Otxarkoagako Udaltegian eta Txurdinagako Garai Lorategiak plazan. 11 emanaldi izango dira eta horiei erakusketa bat gehituko zaie. Aurtengo programazioak bi erabateko estreinaldi izango ditu: "Naipes y barajas, los utensilios mágicos más usados" erakusketa (maiatzaren 2tik 31ra) eta "Entre naipes y misterios, un viaje cartomágico" hitzaldi-ikuskizuna (maiatzaren 15ean), biak Otxarkoagan. Gainera, Euskadin estreinaldiak izango dira El loco show (maiatzaren 9an, Udaltegian), 30 años de Struc (maiatzaren 24an) eta Don Gelati (maiatzaren 25ean) ikuskizunak, biak Txurdinagan.
Aurtengo edizioan, euskarazko ikuskizunak bitik laura igo dira tokiko mago gazteen parte-hartzeari esker: Botila barneko aztiak eta beste hainbat istorio (maiatzaren 8an), Amarru (maiatzaren 14an), Freakshow (maiatzaren 23an) eta Magia zaparrada (maiatzaren 24an). Bi elebidunak izango dira: "Naipes y barajas, los utensilios mágicos más usados" (maiatzaren 2tik 31ra) eta Magia eta mirariak (maiatzaren 7an). Gainerakoak gaztelaniaz dira, eta bat, testurik gabe.
Maiatzaren 3, 7, 8 eta 9ko emanaldiak doako gonbidapenekin izango dira eta pertsona bakoitzak gehienez bi emanaldi egin ahal izango ditu. Otxarkoagako Udaltegian hartu ahal izango dira egun horietan bertan, 18:00etatik aurrera, agortu arte.
Nabarmentzekoa da Manolo Costaren eta Mindanguilloren El loco show ikuskizunak, maiatzaren 9an, FISM irabazi zuela eszenan. FISM nazioarteko erakundea da eta mundu osoko dozenaka klub eta federazio nazional eta internazional koordinatzeaz arduratzen da. Federazioak konferentzia bat antolatzen du hiru urtean behin, eta, bertan, Munduko Magia Txapelketa egiten da; magiako txapeldun nazionalak eta kontinentalak hainbat kategoriatan lehiatzen dira. Kasu honetan, bikote honek Europako FISM txapelketa irabazi zuen, eszenako magia modalitatean. Gainera, magia komikoaren txapeldunak dira Estatuan.