Arte Ederren eta Kultura Ondasunen Kontserbazioan eta Zaharberritzean jasangarritasuna ezartzen laguntzeko bikaintasunean prestatzea xede duen Kutxa Fundazioa-Gordailua bekaren deialdiaren oinarriak.

BEKAREN XEDEA

Kutxa Fundazioa – Gordailua beka Gipuzkoako kultura-ondarea kontserbatzeko, ikertzeko, berritzeko eta gizarteratzeko xedez Kutxa Fundazioaren eta Gipuzkoako Foru Aldundiaren artean egindako lankidetza-hitzarmenaren barruan kokatzen da.

Kutxa Fundazioa – Gordailua bekak helburu du, hain zuzen, kontserbazio eta zaharberritzearen arloan prestakuntza sustatzea eta, zehazki, Arte Ederren eta beste kultura-ondasun batzuen kontserbazio- eta zaharberritze-jardueretan parametro jasangarriak ezartzen laguntzea. Helburu hori betetzeko, lankidetzan arituko dira bi erakundeak Suitzako Museo Nazionaleko Bildumen Zentroarekin, zeina baita Europako erreferentea kultura-ondasunen kontserbazioan.

Beka honen bidez garatuko diren proiektuak honako hiru ildo estrategiko hauetako edozeinetan kokatuak izan daitezke:

• Jasangarritasuna, kultura-ondasunak garraiatzeari, gordailutzeari eta erakusteko prestatzeari aplikatuta.

• Material eta ekintza jasangarriagoak ikertzea obrak kontserbatzera eta zaharberritzera bideratutako esku-hartzeetarako.

• Berrikuntza, artelanen kontserbazioaren kudeaketa jasangarrian.