"Faisaien irla" pelikula Göteborgeko zinema jaialdian estreinatuko dute
Asier Urbieta, Sambou Siaby eta Jone Laspiur, filmatzen. Argazkia: Nicolŕs de Assas
- Asier Urbieta zuzendariaren lehen film luzea Suediako jaialdiko International Competition atalean lehiatuko da. Jone Laspiur eta Sambou Diaby dira "mugako thriller" honen protagonistak
Faisaien irla Asier Urbietaren lehen film luzea Göteborgeko zinema jaialdiaren 48. edizioan estreinatuko dute, urtarrilaren 25ean. Zinema jaialdia urtarrilaren 24tik otsailaren 2ra egingo dute, eta Azken erromantikoak David Perez Sañudoren bigarren film luzea ere ikusi ahalko da Suediako hirian, Ingmar Bergman Competition atalean. Zuzendariaren lehen edo bigarren filmak izanik, originaltasun eta kalitate artistiko handia erakusten duten pelikulak biltzen ditu atal horrek.