CAB Forumek, ziurtapen-agintaritzen nabigatzaileen foroak, zerbitzari seguruaren ziurtagiriak emateko eta kudeatzeko jarraibideak promulgatzeaz arduratzen denak, 2023ko irailaren 15etik aurrera nahitaez bete beharreko baldintza onartu zuen, User Notice atributua ez agertzea eskatzen duena.
Izenpe ziurtagirien kasuan, SSL ziurtagiri kualifikatuek ez dute ezaugarri hori, ezarritako baldintzak betez gero. Hala ere, domeinu- eta antolaketa-ziurtagiri ez-kualifikatuetan (SSL DV eta SSL OV) eremu hori osatu egin da.
Ez-betetze horren ondorioz, jaulkitako ziurtagiriak baliogabetu egin behar dira 5 eguneko epean.
Kasu honetan, errebokazio horiek betetzeko epea urtarrilaren 30ean amaituko da, 17:00etan.
Egungo ziurtagiria berremateko eta ordezteko prozesua
Ukitutako ziurtagirien berrjaulkipena ahalik eta gehien arintzeko eta horiek errebokazio-data baino lehen ordezkatzeko, Izenpek ad hoc prozedura bat jarri du abian:
Talde honetan ziurtagiriren bat duten erakunde guztiek jakinarazpen bat jasoko dute, eta bertan zehaztuko da zer ziurtagiri ordezkatu behar diren.- SSL kudeatzeko aplikazioan sartzea eta aplikazioan alta emanda dagoen erakundeko eskatzaileetako batek, ukitutako kasu bakoitzean "birjaulkitzea" eskatzea.
- Mezu elektroniko bat jasoko du, aplikazioan jasota dagoen jakinarazpenen posta elektronikoan, baliozkotzeko eta igortzea onartzeko esteka batekin. FUNTSEZKOA DA OK EMATEA IZENPEK ZIURTAGIRI BERRIA JAULKI AHAL DEZAN!
- Jaulki ondoren, posta elektronikoz jakinaraziko zaio, ziurtagiri berria deskargatzeko prest dagoela, ordeztu ahal izateko.
Garrantzitsua da ekintza guztiak egitea, behar adina denbora eduki ahal izateko egungo ziurtagiria emateko, deskargatzeko eta instalatzeko, ezarritako data baino lehen (2024ko urtarrilaren 30a, asteartea). Une horretan ezeztatuko dira egungo ziurtagiriak.
Ziurtagiria aurreikusitako datarako ordezten ez bada, zure webgunearen erabiltzaileek akats horren berri izango dute, nabigatzeko arriskua erakutsiz.
Egungo ziurtagiria erabiltzeak ez dakar, inola ere, segurtasun-arriskurik; ziurtagiri hori baliogabetzeak irizpide tekniko-arauemaileei soilik erantzuten die.