- Zurbano´n, Eusko Jaurlaritzako Elikadura, Landa Garapen, Nekazaritza eta Arrantza Sailaren eta Caixabank´en partaidetzarekin.
Zurbano, Arratzua-Ubarrundia 2024 07 11
Jone Fernández Landa Eusko Jaurlaritzako Elikadura, Landa Garapen, Nekazaritza eta Elikadura Saileko Landaren eta Itsasertzaren Garapeneko eta Europar Politiketako zuzendariak "Aukeren Lurra" lehiaketan saritutako landa-garapeneko proiektuek erakutsitako ekimena nabarmendu du.
Arabako 40 ekintzaile eta ordezkari ekonomiko, sozial eta instituzional baino gehiago bildu dira Zurbano´n, landa-eremuko hainbat udalerritan enpresa berri bat abian jartzea erabaki duten Arabako sei ekimenei eta ekintzailetzari buruz hitz egiteko.
Sei proiektu horiek 1.000 euroko saria jaso dute ARABALANDAren (Arabako LGEen Federazioa) eta CaixaBank´en eskutik, maiatzaren 22´an abiatutako "Aukeren Lurraldea" deialdian.
Protagonistek beren proiektuaren historia eta negozioa abian jartzeko bidean aurkitu dituzten egoerak partekatu dituzte bertan dauden pertsona guztiekin. Deialdiaren helburua lurraldeko landa-eremuetako jarduera ekonomikoa bultzatzea, enplegua sortzea eta Arabako udalerri txikietan biztanleria finkatzea izan da.
Hauek dira saritutako proiektuak: Ingoin Koop. Elk. Txikia, diseinu estrategiko parte-hartzaileko enpresa, Barrio (Valdegovia); Yurema Busteros, fisioterapia eta ekinoterapiako enpresa, Arraia-Maeztun (Arabako Mendialdea); Lautadan Bertan S.Coop, hegaztiak hiltzeko proiektu berritzailea, ekoizle txikiei zerbitzua ematen diena, Okiturri – San Roman de San Millan (Arabako Lautada); Lamio Biocosmetica, edertasun-produktuak eta elaborazio-tailerra, Manurgan (Gorbeia Inguruak); Entrerrecetas, tokiko produktuaren erabilera eta kontsumoa sustatzen duen janari prestatuaren negozioa, Guardian (Arabako Errioxa); eta Sustraiak, fisioterapiako klinika eta osasun-zerbitzuak, Artziniegan (Zabaia).
Ekitaldia "Mi castillo de Arena" jauregian (Zurbano) egin da, eta bertan izan dira Jone Miren Fernández Landa, Eusko Jaurlaritzako Landaren eta Itsasertzaren Garapeneko eta Europar Politiketako zuzendaria, Laura Pérez Borinaga, AFAko Lurralde Orekako zuzendaria, Arabako 6 ADRetako ordezkari tekniko eta politikoez gain, Alfredo Alonso, Caixabank Arabako Negozio Arloko zuzendaria eta Jorge Pérez, Caixabank Aguraingo zuzendaria.
Informazio gehiago Irekia atarian (Leiho berrian irekiko da)