- Goizeko 08:00etan, Lehendakaritzako bere bulegotik, Iñigo Urkulluk sinatu du EHAAn bihar argitaratuko den eta 54 eguneko hauteskunde-aldia irekitzen duen dekretua
- Hauteskunde-kanpaina apirilaren 5eko 00:00etan hasiko da eta apirilaren 19ko 24:00etan amaituko da
Iñigo Urkullu lehendakariak gaur goizeko lehenengo orduan sinatu du, Lehendakaritzaren egoitzako bere bulegoan, Gasteizen, Eusko Legebiltzarra desegiten duen eta datorren apirilaren 21erako hauteskundeak deitzen dituen dekretua.
Jaurlaritzari buruzko ekainaren 30eko 7/1981 Legeko 7.c) eta 50. artikuluek ematen dizkioten ahalmenak erabiliz sinatu du, Gobernu Kontseiluak joan den ostegunean, otsailaren 22an, aurretik deliberatu ondoren.
Sinadura, bihartik aurrera, 54 eguneko epea irekiko du hauteskunde-prozesua abian jartzeko: hautesle-errolda erakustea, posta bidez bozkatzeko eta botoa braillen emateko eskaera egiteko epeak irekitzea, hautagai-zerrendak aurkeztea, hautagai-zerrendak aldarrikatzea, hauteskunde-kanpaina, hauteskunde-eguna, etab.
Informazio gehiago Irekia atarian (Leiho berrian irekiko da)