- Ekitaldia Donostiako Kofradiak artisau-arrantzako beste erakunde batzuekin garatzen dituen "Itsasoak zeharkatzen" jardueren barruan kokatzen da.
- Baxurako arrantzaleen espezieei, arrantza-tresnei, bizimoduei eta egoerari buruzko ezagutzak trukatzen dituzte.
Donostia 2024 10 05
Leandro Azkuek Eusko Jaurlaritzako Elikadura, Landa Garapen, Nekazaritza eta Arrantza Saileko Arrantza zuzendari topaketa bat izan du Isla Cristinako (Huelva) artisau-arrantzako ekoizleekin Donostiako Itsas Etxeko Arrantzaleen Kofradian. Ekitaldia Donostiako Kofradiak aurten Opegiren antzeko artisau-arrantzako beste erakunde batzuekin egiten dituen "SURCANDO MARES" jardueren barruan kokatzen da.
Autonomia-erkidego desberdinetako kofradiek, arrantzaleek eta sukaldariek espezieei, arrantza-arteei, baxurako arrantzaleen bizimoduari eta egoerari, haien erakundeei eta beren proiektuen irismenari buruzko ezagutzak trukatzen dituzte, balioan jartzeko eta jasangarriak izan daitezen laguntzeko.
La Virgen del Carmen de Isla Cristina Arrantzaleen Kofradiak "Productos y Mariscos de Isla Cristina" kalitate-markapean babestutako produktu izarrak eraman ditu Donostiara: ganba zuria, otarrainxka, txokoa, kanailak eta xirlatxoa.
Donostian, El Puerto de Santa Marian jaio eta Isla Cristinan bizi den Raúl Daza sukaldari eta gastronomia aholkularia gonbidatu dute arrantzaleek. Andaluziako Sukaldaritza Artearen eta UNESCOren enbaxadorea da Madrilen.
Informazio gehiago Irekia atarian (Leiho berrian irekiko da)